تزوجت مجنونا للكاتبة غادة (مكتملة)

الفصل الخامس

صوتي يا بنتي انتي عايزة جوز زي منذر و لا ايه

********&
- فطريني يا زفتة
صرخ بها لتخبره بنبرة ناعسة : كان يوم مهبب فعلا
ليقترب منها متسائلا: يوم ايه؟ يوم ما اتجوزتني صح ؟
لتعتدل في جلستها و هي تفرك عينيها : يوم ما اتولدت يا حبيبي ، يوم ما اتولدت انا
نظرت له و هو يلبس ملابسه لتخبره : ليه لابس بدلة جديدة ؟
هز رأسه باستغراب : من امتى و انتي فارق معاكي الموضوع داه
حاولت تدارك نفسها لتقول له : أبدا انا افتكرت يمكن النهاردة عندك حاجة
ليضع بعض العطر و هي تتفحص هيئته ليقول: مفيش حاجة النهاردة بس انتي اشترتلي بدلتين قولت البس واحدة و اسيب وحدة للمناسبات
لتنهض من مكانها بسرعة و تقبله بحرارة استغربها جدا و تقول له : الواحد بصحي مراته ببوسة زي ديه مش فطرني ، مرة تانية لو انا مفطرتش كدة مش هفطرك
و تركته و ذهبت إلى المطبخ و هي تقول لنفسها : الي بنعمله في الناس هيطلع علينا و لا ايه، انا غيرت عليه بجد
عشر دقائق و كانت قد جهزت الفطور و ندهت باسمه ليجلس و يأكل ثم يخبرها متوترا: ماما عزمنا عندها بكرة
لتتصنع السعادة : و ماله يا حبيبي نروح
ليضع يديه على الطاولة : انا مبحبش الطريقة الي ماما بتتعامل بها معاكي ، داه غير انك استحملتي كثير منها
لأول مرة لاحظ تلاشي ابتسامتها و ترقق الدموع في عينيها لكنها جاهدت نفسها للابتسام مجددا و انزلت نظرها إلى الأسفل كي لا يرى أنها على وشك البكاء : يا حبيبي هي حست اني خدتك منها و داه طبيعي بكرة تتعود عليا ، داه غير يعني آخر مرة كانت من شهر فيمكن تكون تقبلت الفكرة
امسك كفها و قبله قبلة عميقة: بيري انا ممكن مجنون زي ما بقولوا، عندي مشاكل نفسية، ملخبط مش عارف انا عايز ايه ، بس الحاجة الوحيدة الي عارفها و حفظها اني بحبك و مبحبش اشوفك زعلانة و مضايقة من اي حاجةحتى لو كانت والدتي ، عشان كدة انا قررت انك مش هتروحي عندها لحد ما هي تبطل تصرفاتها
انهمرت دموعها و هي تحتضنه بشدة لتهمس: بقى كل داه و بتقول اتجوزتك ليه ، اتنيل يا شيخ ، الريحة حلوة اوي خلينا كدة شوية
كانت تقول تلك الكلمات بتقطع بسبب دموعها ، إلا أنه كان هادئا للغاية ليقول لها بانفعال : هو الجدع الي جيت لقيته قاعد معاكي ، اخو صحبتك اشتغل معاكم؟
لتسحب نفسها من حضنه : يا فصيل ، يا فصييييل، كنت نكد بعد الحضن ، غور على شغلك جتها البلاء إلى عايزة رومانسية على الصبح
لتنهض من الطاولة و هي تتشاجر: ما كنت شغال كويس، حبكت يعني في الاخر ، جتك مصيبة و انت زي القمر كدة بالبدلة
اتأكد نفسا و تنظر إليه بكبرياء: بس و الله ذوقي حلو
ليرد لغرور: طبعا مش اخترتني يا بنتي
لتنظر إليه شرزا: و يا ريتك مقدر النعمة ، كل البلد الستات هي الي بتنكد إلا أنت الي بتنكد ، انت عايز العلاقة ديه تنجح ؟
ليهز برأسه موافقا على كلامها : اكيد عايز تنجح
لتتحول ملامحها إلى السعادة و هي تجلس في حضنه مجددا : و انا كمان و الله، اصلك مز اوي
لينظر إليها باستغراب : و بقولوا علي انا مجنون ، ينفع اقوم طيب عندي شغل ، و يسلم ايدك على الفطار
لتقول له بثقة : المرة الجاية تقولي يا حبيبتي انتي مش محتاجة تعملي فطار ، انتي الفطار ، اتلحلح كدة شوية
لتجده يخلع معطفه قائلا : و ماله دلوقتي لو عايزة
لتعيد البساه المعطف و تنهض من حضنه و تبتعد قائلة لو بخجل شديد لم يتعود عليه منها : انا بتكلم بس ، انت صدقت و لا ايه، يلا لا إله الا الله
اقترب منها و قبلها على رأسها قائلا : مش متعود منك على الكسوف داه بس حلو برضه، كل حاجة منك حلوة ، محمد رسول الله، خلي بالك من نفسك و تلفونك يفضل مفتوح
هزت رأسها موافقة على كل ما قاله و شاهدته و هو يخرج من البيت لتظل دقائق على هيئتها الحالمة ثم تقول لنفسها: عسل الولد داه عسل، انا اخترت صح فعلا
____________