تزوجت مجنونا للكاتبة غادة (مكتملة)

الفصل السابع

الفصل داه بقى فيه ملخص بداية علاقة بيري و منذر عشان مبقاش حرماكم من حاجة اهو😂😂😂
أختاه صوتي بقى و محتاجة ضروري بنات تساعدني في اني اعمل ترويج للرواية و ريفيوهات ليها ارجوكم بنات الي تقدر تكلمني ضروري اوي
#تزوجت_مجنونا
- الله ينور يا دكتورة ، مكونتش اعرف انه الناس بتتغير اول ما بشتغل
جملة قالتها بيري بمرح و هي تجلس مقابل صديقتها في أحد المقاهي، لتخبرها مكة بسخرية : لا ماهم بيتغيروا اول ما بيتزوجوا، ثلث شهور يا حيوانة عشان اعرف اشوفك
لتخبرها بيري بمرح : يا ولية انتي مش دايرة من محافظة لمحافظة
لتنزعج مكة : داه على اساس انك مكونتيش بتجيلي لما بشتغل في حتة بعيدة ، داه مرة صحيت لقيتك عندي في أسوان
تنهدت بيري براحة: كانت ايام شبه وشك
لتقول مكة بثقة : ايوة كانت ايام قمر ، ها بقى قوليلي كل تفاصيل حياتك من ساعة الجوازة ديه ، انا لحد لدلوقتي مش مستوعبة انك فعلا اتجوزتيه، انا كنت فاكرة أنها مجرد شفقة ,صداقة اي مسمى بس جواز يا بيري جواز مرة واحدة
نظرت بيري لمكة بتأثر : لا مرتين ، بيني و بينك ساعات بصحى من النوم بفضل ابص عليه على قد ما انا مش مصدقة أنه فعلا جوزي .
تنهدت بيري بألم : عارفة هو شدني ليه لما لقيت معدن اصيل ، نفس بريئة ملهوش في الكذب و الخداع عارفة انه انقذني حرفيا لما حصلت مشكلة في الضرايب للشركة ، كانت هتأذي و هو وقف جنبي من باب الرجولة و مكنش في نيته اي حاجة ،بس كانت المشكلة هي الشك و عدم الثقة الي كان فيه لحد ما حصله مشكلة ، المصلحة الي بيشتغل فيها حصل فيها اختلاس، و محدش صدق أنه بريء حتى اهله، بس انا صدقته يا مكة ، و جبتله محامي و وقفت معاه لحد ما طلع، و لما طلع وثق فيا و بقيت الأمان ليه، مقدرتش ساعتها امشي مع اني محبتوش بس كنت مقدرة كل المشاعر الحلوة الي كان بيدهالي صحيح كان عليه نوبات شك تكفر الواحد بس عليه طيبة قلب و جدعنة تخليني معرفش اشوف غيره و قررت اديله فرصة لأنه يستاهل و حطيت شرط أنه يتعالج و هو قبل و حطيت شروط كثيرة و كان بيقبل طول الوقت مش عارفة يا مكة في يوم لقيته بيعرض الجواز عليا و وفقت عليه
رطبت مكة شفتيها: حبيبتي انتي اكثر واحدة متفهمة و واعية فينا، يعني صراحة كنا متوقعين تاخدي حد بنفس عقليتك ، انا مش هتكلم على المستوى ايا كان ، بس احنا بنتجوز الي شبهنا عشان نعرف نعيش ، في فرق في الدماغ بينك و بينه كثير
لتزم بيري شفتيها رافضة : الفرق داه عشان نكمل بعض ، عشان يبقى في توازن دايما ، بعدين انا شايفاه بقلبي أنه احسن من إلي شبهي فالتفكير و المستوى و الكلام داه
نظرت لها مكة بشك : انتي الي بتقولي كدة ! انتي يا بيري !! دنتي الي ركنت القلب على جمب و قولتي للعقل اشتغل
ابتسمت بيري: الإثنين بيشتغلوا ، و بعدين انا شايفة أنه الي انا فيه حلو، شغل محترم و مستوى تعليمي كويس، جوز بحبني جدا و سعيدة فعلا معاه، حوليا عيلتي و صحابي و لو حصلي حاجة عارفة أنكم تسدوا و زيادة
ابتسمت مكة رغم عنها و هي تمسك كف صديقتها : طبعا يا بت احنا نسد معاكي في اي حاجة .
زفرت بيري براحة: طب مدام كدة الي قولته داه ميطلعش للبنات و لا لمامتي ، انا عارفة انهم شايفين الموضوع من ناحية تانية ، بس انا واثقة فيكي يا دكتورة
لتقول مكة بقلة حيلة : امري لله ، الي تشوفيه يا بيري هو احنا عمرنا رفضنالك طلب .
اراحت بيري ظهرها إلى الخلف قائلة : من ساعة ما قعدت و انا شايفة لمعة عينيك و اقول دلوقتي تنطق دلوقتي تقول ، ها انطقي عرفتيه امتى ؟
لتبتسم مكة بحماس: طول عمرك تعرفي الديب مخبي ولاده فين ، بصي يا ستي احكيلك ......
*******************
عادت بيري إلى بيتها لتجد أن منذر قد عاد و خلد إلى النوم ، لتذهب إلى المطبخ و تجد أن هناك طبق طعام موجود فوق الطاولة و ليس مما طبخت ، لتعود إلى الغرفة و تهز زوجها برفق : منذر اصحى ، مين الي جايب الاكل
ليجيبها بنعاس شديد : سيبني انام
لتلتف إلى الجهة التانية و هي تقول : قال يعني هسيبك فعلا
لتقترب منها و تقبله بقوة على شفتيه لدرجة ايقظته مصدوما لتخبره بحزم : مين الي جايب الاكل الي برة
بقي ينظر إليها بصدمة و هو يلتقط أنفاسه: ديه أم إبراهيم
لتجلس على قدمه : ها ، و لقيتها فين؟ و اديتهولك ازاي؟
فرك شعره و هو يتذكر : و انا بفتح الباب لقيتها بتنده و اديتهولي هو في حاجة ؟
لتجبر نفسها على الابتسام : لا ابدا يا روحي، نام انت بس و انا هروح اشكر أم إبراهيم .
ليغمز لها بمكر : هو الوحش بغير و لا ايه ؟
لتطلق ضحكة رقيعة: يعني مغرتش من الصغيرين و اغير من واحدة قد امك ، بس مش بستريح للولية ديه صراحة..
ليعانقها بعفوية قائلا بنبرة ناعسة: طيب
لتقول له : كمل نوم يلا ، و انا هغسل الهدوم
ليبتعد عنها بتلقائية و يكمل نومه لتغطيه جيدا و تخرج بسرعة إلى ذلك الصحن الذي رمت محتواه في سلة المهملات و هي تقول: انتي الي بدأت يا ام ابراهيم ، و انتي مش قدي
_________________