تزوجت مجنونا للكاتبة غادة (مكتملة)

الفصل الثاني عشر

العشر تصويتات بتاعة اختكم فالله و اقرا براحتك يا باشا و عايز تقول رأيك ماشي برضه 🧡🧡
______€€€€______
بعد مرور ثلاثة أيام
عاد منذر إلى البيت و هو منهك تماما فقد كان اليوم الأخير للعمال و وجد بيري نائمة على غير عادتها اقترب منها ليوقضها بحذر لتنتفض بقوة : ايه داه منذر ، هي الساعة كام ؟
ليخبرها و هو يعبث بشعرها: الساعة ستة.
لتفزع بشدة: ستة !! انا نمت كل داه !! انا مطبختش حاجة ، انا اسفة و الله 
ليحتضنها بهدوء: اهدي يا بنتي ، عادي نمتي ، داه حتى نوم الظالم عبادة
لتضربه على صدره : بقيت ظالمة يا نبع النكد
ليسألها بمكر: طب بزمتك انا بقالي قد ايه منكدتش عليكي ؟
لتخبره بشك : يعني حبة حلوين !!
لتمسكه من ملابسه و تقول بغضب: مصيبة لتكون لقيت الي تنكد عليها غيري
ليحرر نفسه منها : انتي هبلة ! هو انا لاقي وقت ليكي عشان اشوف غيرك ، بس جايبلك خبر مفرح
لتقول له بحماس : فرحني .
ليحتضن وجهها: التصليحات خلصت يا ستي تقدري تأجري المحلات امتى ما تعوزي، بس بعد ما نرجع من السفر
لتقول باستفسار: سفر ؟ !
لينهض و يبدأ بتغيير ملابسه : اصل عندي مأمورية في اسكندرية و احنا مسفرناش شهر عسل فأنا قولت نروح ننبسط شوية و تخلص شغلي ، عارفة ان شاء الله بعد المأمورية ديه هترقى 
أنهى ارتدائه لملابس مريحة لينظر إلى زوجته التي كانت في عالم آخر تماما ليهزها برفق : بيري انتي معايا ؟
لتقول له بهدوء فاخيرا قد حصلت على الفرصة التي كانت تريدها: معاك ، بس انا مش هينفع اسافر ، عندي كم اجتماع مهم و مينفعش تأجيل خالص .
ليقول بتوتر: طيب انا هكلم عادل يروح مكاني، و ابقى اروح في مأمورية تانية تكوني خلصتي شغلك و تقدري تاخدي اجازة
لتغضب من كلامه و تندفع : لا ،لا منذر انت ح.....
تذكرت كلام الطبيبة و توقفت لتأخد نفسا و تهدأ نفسها لتقول : حبيبي،  انت ممكن تسافر من غيري على فكرة و كلها كم يوم ، و لو علي انا هروح عند اهلي .
ليهز رأسه نافيا بضيق: لا ، مش عايز،  مش عايز اسافر عادي تتعوض .
اشاح بوجهه عنها و جلس على الطرف الاخر و هو يقول : هطلبنا حاجة ناكلها 
اخد هاتفه و خرج من الغرفة لتهمس نفسها : لا ماهو انت هتهد كل إلي عملناه يا منذر ، هتسافر و بمزاجك كمان
خرجت من الغرفة و رأته جالسا في المطبخ شاردا و رأسه بين كفيه  لتقترب منه و تنخفض إلى مستواه و تقول : انت عارف انك انجح مني يا منذر
رفع رأسه إليها باستغراب لتكمل هي بإبتسامة: انا دنيتي كانت سهلة مقارنة بيك ، بس انت جبتها من تحت اوي يا حبيبي ، تعبت و عافرت و اشتغلت كثير عشان تفتح بيت ،  و بعد كل التعب داه عايز تضيع سفرية زي ديه من ايديك ، إذا كان في حد يستاهل الترقية ديه فهو انت ، انت مش اقل من الي طول اليوم قاعدين ما بعملوش حاجة و يترقوا لا انت بتشتغل بضمير و بتراعي ربنا
تجمعت بعض الدموع في عينيه و حاول إيجاد اي كلام يعبر به عن حالة التخبط التي هو فيها،  كيف يخبرها أنه خائف ، بل ترعبه فكرة أنه سيواجه لوحده لتقرأ هي كل هذا في ملامحه و تشد إلى يديه : انت قوي و شجاع يا منذر ، لو مكنش كدة مكونتش هتعرف تتصرف مع العمال،  و لا تفرض شخصيتك عليهم و تخليهم يخلصوا الشغل في الوقت الي انت عايزه ، و لا كان التاجر دفع الايجار في وقته ، صدقني انت ليك حضور و هيبة انت لاحظت ازاي خليت ماجد وقت العشا يخرس خالص ، انت بس مش عارف قيمة نفسك .
خرجت بعض الكلمات المبعثرة من فمه :انتي .... ، انتي ...مش معايا ... صعب اوي ... انا اتعودت... مش حعرف يا بيري.... هفشل ...اكيد هفشل....
لتضع جبهتها على جبهته و يدها على صدره : انا هنا يا منذر ، انا في قلبك و فكل ثانية معاك كفاية انك تفكر فيا و هتحس اني معاك .
أغمض عينيه في ألم و هو يحاول أن يضبط تنفسه لينهض و يشدها كي تنهض : هفكر يا بيري هفكر في الموضوع. 
هزت رأسها موافقة على كلامه لتنظر إليه : ايه بقى ؟
ليجيبها باستغراب : ايه ؟
لتنظر إليه بغضب طفولي : و لا جايبلي شكولاتة و لا حلويات بمناسبة أنه المحلات خلصت تشطيب ، اكلك انت يعني ؟
ليبتسم رغم عنه لتقول له : ايوة كدة ، بعدين انت أزاي متقوليش فين الاكل يا هانم ، ازاي متتخانقش معايا  بس اكيد من غير ما تزعق .
لينظر إليها بحيرة: يا سلام،  نفصل الخناقة على  مقاسك كمان
لتقول بجدية: ابقى فصلها طويلة عشان انا جوزي مبحبش البس قصير. 
اقترب منها أكثر قائلا: هو انتي هتزعلي لو انا مسفرتش؟
تنهدت قليلا و ردت بحنان بالغ : الموضوع مش متعلق بيا يا منذر ، داه شغلك انت ، شغلك من قبل ما تعرفني و ادخل حياتك ، حاجة تخصك و تخص نجاحك ، احنا بينا حياة مشتركة بس في ركن جوانا يبقى بتاعنا احنا لنفسنا،  الشغل ضمن الركن داه ، انا مش من حقي ازعل او لا،  بس الي اعرفه اني هكون مبسوطة و انا شايفاك بتنجح في شغلك .
لم تقل شيئا بل احتضنها بقوة و يقول: انا بحبك اوي يا بيري
تجمعت الدموع في عينيها و هي تسمعه لترد بألم عكس ما تريد قوله  : عندك حق ما انا فعلا اتحب ، مش هتقولي انتي مين ؟
شدها أكثر : مش مهم ، المهم انك مراتي و حبيبتي .
___________________________