جئت اليك لا أدري

البارت الثامن

(جئت اليك لا ادري)

              للكاتبات نور و زينب

                 البارت الثامن

*❤❤❤❤❤❤❤❤❤❤❤*
حبيبي يا الله :
أنا الفتاة التي تعرفها أنت، لا التي يعرفها الناس.
وحدك كنت شاهدًا على حروبها مع ذاتها، وصراعاتها... وكل تلك اللحظات التي كادت أن تهزمها ولم تفعل.
إلهي العظيم 💜
إني أجاهد كي أكون في صف الذين تحبهم...
إني أسعى ألا أتلوث وألا تغضب مني أو ترفضني.
أنا العائدة إليك دومًا...
وأنت المعتاد على عودتي، الغني عنها ، مؤمنة بك.
ثم إني أحبك.🦋
حتى لو لم تكن أفعالي بها من الحب شيئًا إلا أنني أحبك💜

*❤❤❤❤❤❤❤❤❤❤❤*

‏"قضيت أيامًا دون أن يعلم أحد بما أشعر به، مرت سنين طوال ولم يلمح خرابي حتى أعز أصدقائي"💔

صارلي شهر حسيت روحي منبوذه ومكروهه من قبل الناس مايعرفون رحمه ، صارلي شهر حسيت روحي خدامه، احس روحي عايشه بدون هدف بدون روح بدون امنيه ، كون عايشه بيت بيبيتي ولا هنا ، هواي جنت احجي على بيبيتي مخليتني خدامه بالبيوت وماشايفه منها فلس  بس على اقل من اجي بالبيت اكعد بغرفتي ومرتاحه ،....

هنا اشتغل ونوبه تكلي مامنظفه عدل رجعي نظفي وانا مرات والله اعيد تنظيف بيت ثلاث مرات  من وراها وبيت ثلاث طوابق وجبير كلش وحديقه همات  منا  ظهري ينكسر وانا ساكته ومتحمله وكله ماراضيه عمتي ومن اطبخ وكفت فوك راسي  المن اشكي هو بس ايهم زين وياي بس استحي منه لان مامتعوده علي كلش  واسامه رغم مامسويلي شي بس ابقى خايفه منه ،،...

اشوف نظراته وصفنته  الي واحس روحه عازل عن عالم وعنا  ومن يتقرب مني اشرد ومن اشوفه بمكان اطلع ،، المن ماخذني واشتراني  واتزوجني مجبوره علمود يذلني ...

نرجس  هي الي موستني بالبيت مع علم تجي غرفتي علمود بزون ، همزين عمتي ماتصعد فوك للطابق ثالث مفاصلها ورجلها  توجعها ....

واسامه قصته قصه دومه عازل روحه يالغرفه اكثر شي اشوفه من يطلع وكت الاكل ، ومن يصعد للطابق ثالث بالكوه يصعد يمكن يتعب ، بس احسه هادئ بس اذا يخوزر اموت مكاني احس بيت كلها تخاف منه حتى مرات امه اذا حجت شي وماعجبه حجيها يغلس وهي تسكت، وممنوع واحد يدخل غرفته  ....

رحت للغرفته علمود يكعد للدوام دكيت باب اتعجبت من شفت باب مفتوح ماقافله ، فتحت باب شويه بدون ماينتبه ونصدمت من شفته هستوه كاعد من نوم وكاعد وصافن على رجله يسره  مبتوره لحد ركبه مالته ومنظر رجله مقززه انا من شفت رجله كزبر جسمي ، من هيج هو  عازل يمكن مايحب احد يشوفه بهيج حاله ويشوف نظره شفقه او نظره تقزز بعين احد ، عيني دمعت من شفت رجله خطيه يمكن جايبتله حاله نفسيه ، هسه اكيد اهله شايفين رجله ويعرفون بي ، ...