جئت اليك لا أدري

البارت العاشر

(جئت اليك لا ادري)

       للكاتبات نور وزينب

       البارت العاشر

************************

‏ما أجمل ان تجد شخصا
إذا نظرت إليه"شعر بك"وإذا إشتكيت اليه"خفف همك"
وإذا إحترمته"قدرك"وإذا غبت
عنه قلق عليك
وإذا احتجت اليه "وقف بجانبك❤️

*************************

طلعت من مطبخ وشفت اسامه واكف وخازرني ..

حسيت من عيونه وخزرته اخترقتني ،، وطلع بره واسمع باب شارع سداه بقوه حسيت بيت راح يطيح من وره طكته  ...

خرب بحظي شبيه مااسكت بس والله هي داست بطني شنو تكلي طمعانه ماتدري بعمايل اخوها ،، تخيلي شوق هاي طكه باب تصير بيج ،، عيني دمعت ياربي وين اروح خايفه منه ...

مرات واحد يحجي حجي يندم عليه ،، هاي حالتي هسه انا ،،انا من نوع اذا حسيت روحي بخطر يصير بيه صداع وبطني تضل توجعني ،، وين اشرد عنه متاكده يسويلي شي ....

وديت الشاي الهم بصاله ،، ايهم كالي شبي وجهج اصفر جنج بيج ابو صفار .....

كتله مابيه شي ، طلعت بسرعه من صاله ورحت صعدت بغرفتي احس روحي فحطانه ، مديت فراشي ونمت وتغطيت ،، خاف يجي اسامه ويشوفني كاعده ....

نرجس كالت بعد وكت شوشه مو هسه انام..

كتلها بكيفج لاتنامين هسه بس انا راسي يجوعني وراح انام، خاف واحد يسألج عني كليلهم مريضه نايمه...

انا ادري محد يسأل علي بس مرات اسامه ،، ومن خوف كلتلها كولي مريضه بلكي يعوفني ، والله كون اكو حبوب منوم غير اشربه ، وكلما اكعد انام..

واخلص حياتي نوم ،، صداع موتني وكامت تلعب روحي ، ونبي خايفه وعيوني دمعت اشتاقيت لبابا،، لو ابوي موجود جا ماخفت ولا وصلت لهيج ،، كمت ابجي بصوت عالي....

نرجس كالت شبيج شوشه ليش تبجين...

كتلها مابيه شي بس بطني توجعني...

صارت ساعه تسعه ونرجس نامت ،، وانا مااجاني نوم صار عندي ارق من تفكير صوج مني شلون كتل لأنوار اخوج محد ياخذه لان رجله مبتوره والله حرام علي كسرت بخاطره يارب سامحني مو قصدي والله  ....

وكمت احوس بفراشي  وكلت يالله من يجي اعتذر منه عادي خلي اخذلي كم راشدي من اكبر انسه ضحكت على روحي من خوف مااعرف شنو كمت احجي ....

وخرت بطانيه من عيوني وشفت ساعه صارت بثلاثه ،، رجعت تغطيت ...

وشويه سمعت صوت باب الغرفه انفتح ،، غمضت عيوني ،، حسيت روحي طرت ...

فتحت عيوني ولكيت اسامه شايلني ،، ردت احجي واصيح بس رأستن سد حلكي منا دخلني بغرفته ....