جئت اليك لا ادري
للكاتبات نور وزينب
البارت 15
❤❤❤❤❤❤❤
مــــــــــا ميت كَبل بس شايل التابوت
لأن كل مــــــــــــا أنام أتحلم بنعشي
أنــــه مبــلل رموشـــي بدمعة المحتاز
أنه دموع الفرح مـــــــا وصلت لرمشي
وكَت الخير عشته ومــا شفت بي خير
صاحولي ملك بس مـــا شفت عرشي
عندي عيون بس محسوب ع العميان
أنه مفتح ولكن مــــــــا شفت كلشي
أحــلم بالفــرج وأترس الظلـــمه حجار
ظل هواي ليش نكَول مــــــا ظل شي
❤❤❤❤❤❤❤❤❤
ابتسمت دكتوره وكالت بيج توم بنات مبروك ربي يباركم بيهن و يتربى بحظانكم ان شاء الله .....
فرحت وشفت بعيون اسامه فرحه وكال للدكتوره شكرآ ويبارك بيج .....
مسحت بطني وكمت ،، دكتوره كالت ديري بالج عليهن لان نازل جنين وراح اكتبلج ادويه مثبتات همات .....
اطت ورقه لاسامه وطلعنا
رحنه الى صيدليه جبنه العلاج ونوب اسامه كال محتاجه اجيب الج شي لو تردين انزلج لسوق تشترين .....
اني كتله ماريد لانه احس نفسي تعبانه وكوه امشي خلينه ورجعنه لبيت .....
نزلت هو كال عندي شغل شويه وراجع ....
هزيت راسي ودخلت لبيت لكيت عمتي وانوار ونرجس واروئ جايت من بيت عمهم وكاعدات بصاله....
شافتني عمتي كالت وين جنتي ....
كتلها اسامه اخذني لدكتوره ابتسمت وكتلها طلع بيه توم بنات.....
كالت وعليمن فرحانه على بنات ،، روحي صعدي ونزلي سويه غده ....
هزيت راسي وصعدت بدلت خذت علاجي ونزلت على كيفي احس تعبانه كلش ومالي خلك ،، نزلت وهمزين شفت اسامه جاب غده جاهز ....
سمعت عمتي تكله ليش تجيب جاهز شنو ماعدنه نسوان تطبخ لو احتفال لبناتك توم.....
كال لا يمه بس هالايام مااريد شوق تشتغل منا تجيب ،، موزين عليها صعده ونزله دكتوره كالت جنين نازل ......
عمتي هزت بأيدها ودارت وجهاا ،، اروئ كالت بدلع عادي عمه انا اطبخلج هالايام وانظفلج اذا تردين ....
كالتلها لا حبيبتي انتي اجيتي علمود ادرسن اريدجن انتي وانوار تجيبين معدل يرفع الراس ،، ويالله كومن لغرفتجن وماطلعن منها حتى الاكل يوصلجن بالغرفه .....
هنا هزن راسهن وكامن للغرفه ،، اخذت علاليك وديته بالمطبخ ،، وشويه ودخلت اروئ للمطبخ تشرب ماي ،، باوعتلي كالتلي لاتفرحين هواي توائم مالتج ،، ضحكت وطلعت ،، ماهتميت الها ابد لان احسها جانت تتقرب لاسامه بس مايطيها وجه،، بس هسه تتقرب لعمتي علمود تخطبها لاسامه وتجبره .....
أنت تقرأ
جئت اليك لا أدري
Romanceمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
