جئت اليك لا أدري

البارت الثالث والعشرون

جئت اليك لا ادري

للكاتبات نور وزينب

البارت 23

🌸🌸🌸🌸🌸🌸🌸🌸

- آنتِ رؤحي ويآهَو يگدر ينسىَ روحهَ ؟
- انتِ سريَ شلون للعآلم ابوحـَة♥️.
🌸🌸🌸🌸🌸🌸🌸🌸🌸

سويتلهم شاي وديته الهم بصاله سمعت اسامه يحجيله على عبود وعلى سوته امه وكام يضحك ايهم ،  من شافني باركلي على جيه عبود ،، وانا مبين من وجهي فرحانه اليوم كلش بحيث بس اضحك ومبتسمه شاكه حلكي شك ،، ورحت صعدت فوك ودخلت بغرفه نرجس مالكيتها ،، رحت بغرفتي لكيتها نايمه بالجربايه ورحت حظنتها ونمت وشويه اجه اسامه نام على جربايه بصف نرجس ،، بحيث نرجس صارت بنصنا ونام ...

وثاني يوم اجت خالتي وجابها عبود  واستقبلتها مثل مااستقبلت عبود من شفته وكمت ابجي بحظنها ،، جان محد بالبيت بس عمتي داخله بغرفتها وساده باب تدري خالتي موجوده بس ماسلمت عليها بس كالت كمنا نستقبل الخدم بالبيت وراحت سدت باب عليها ....

دخلت خالتي بصاله وجبتلها ريم ومريم بحضنها تبوس بيهن وحاظنتهن ،، وكامت تسولفلي على رجلها الي خانها ونورس الي اتزوجت ابن عمها وبغير دوله وموخوش ولد بس لان غني اخذته...

سألتها على صبيحه ...

ضاجت كالت لاتسأليني عليها مااحسها امي لان زوجتني لهذا لان عنده فلوس هسه انا استفاديت من فلوسه هما بخيل وهما شكبره ويدور بنات بكده ،، تنهدت وكالت محد ارتاح من صبيحه بس امج الله يرحمها كسرت كلمتها واخذت ابوج وماقبلت صبيحه لان فقير بس امج مااهتمت واخذته وعاشت ويا ابوج عيشه تجنن ومدلله جنت دائمن اتمنى اصير نفسها قويه وكسرت كلمه امي،، بس الحمدلله على كل شي وعندي ابن عبدلله سند وحزام ظهري هو الوحيد عايشه علموده ...

سكتت والله حقها صبيحه موريتنا ضيم ،، وهنا جانن ساكتات عنها لان صغار ومايعرفن شنو يعني خالتي صغيره تزوجت عمرها ١٣ سنه ،، بس امي لا اتزوجت بعمر ١٨ سنه لان الكل يدري بيها فتحه بالقلب بس ابوي حباها واتزوجها ....

ونوبه كالت اعذريني شوق ماجان بيدي اسوي شي الج ادري بطليقي جان يباوعلج بعين وصخه ورحتي صبيحه كعدتي يمها وخلتج خدامه بالبيوت وعمرج ١٢ سنه تخدمين بالبيوت ...

كتلها الحمدلله صارن سوالف هذن ، وهسه عايشه مااكلج مرتاحه كلش لان ماضي يمشي وياي ومااكدر انساه لان دوم الناس تذكرني بي ،، بس اكو بهذا بيت الناس تحبني وتهتم بيه وبناتي مكفيات ومخلصه شغلي وياهن...

كالت اهم شي رجلج اذا زين هذا هو كافي ...

جريت نفس كتلها لا زين وياي الحمدلله ...

شويه دك باب ،، رحت فتحته جان عبود اجه لان هو وصل خالتي وراح طلع بشغله دخلته لصاله وكام يسولف وياي ويضحك ،، ويعايب على ريم لان سمره وانا مااقبل عليها ،، هي صدك سمره بس معانيها تخبل احلى من معاني مريم وعيونها بيها لون عسلي ومريم عيونها نفس عيون نرجس ...