جئت اليك لا ادري
للكاتبات نور وزينب
البارت 22
🌸🌸🌸🌸🌸🌸🌸
شغوتي من اشتاك لمي
وانكساري من اكعد بصف كبر ابوي
وحشتي ودكات كلبي اليخفكن
ذني كلهن من اذكرج يلتقن
🌸🌸🌸🌸🌸🌸🌸🌸🌸
سمعت باب يدك ،، رحت كلت من وره باب منوو...
كال انا عبود ....
انصدمت وفتحت باب وشفته تمنيت مامسافر تمنيت عشت حياتي بقيه وياه وتمنيت وتمنيت بس ماكو فايده وراحت الامنيات هباءآ ،، رحت حظنته وابجي مشتاقتله عمري بحياتي ماناسيته كلما صار عندي موقف موحلو الي اتذكرت مواقفه حلوه وياي ،، حظنته يم باب وشم بريحته احس اشم بريحه امي وابوي ،، اي هو اخوي بالرضاعه ،، بس احسه ابوي الي اهتم الي ومخلاني دمعتي تنزل ،، احسه امي بحنانه وياي ....
وخرت عنه حظنه وعيوني متروسه دموع ليش نسيت اختك كل هاي سنين وتدري بيه محد الها غيرك شلون انطاك كلبك ماتسال علي وانا عمري بحياتي اكوم واكعد واكول عبود هسه يجي عبود ماناسيني ولساني دائمن يلهج بأسمك وادعيلك هالدرجه هنت عليك ....
هو عينه دمعت كال والله ماتعرفين ظروفي ،، وصارلي شهر بالعراق وهاي مده ادور عليج ،، هسه تفضل علمود نحجي وناقش ونلوم واحد بثاني ....
كتله اتفضل ،، دخل ويباوع بلبيت كال منو موجود، كتله محد الكل بالدوام ،، شاف توائم بصاله وكال منو هذن بنوتات ...
ابتسمت وكتله بناتي ريم ومريم عمرهن سته اشهر صارن ،، هو انصدم واتعجب وراح يمهن يشيلهن ويبوس بيهن وانا رحت لمطبخ اقدمله ضيافه ...
رجعت لصاله لكيته مخلي بنات بحظنه ويبجن ،، رحت اخذتهن وخليتهن بالارض وطيتهن حليب وسكتن ،، رحت كعدت يمه يالله سولف حياتك وكولي خالتي وين من سافرت ليش ماخذتني وياها هالدرجه مثقله عليكم....
شرب ماي وكال ،، انا من سافرت خليتج بيتنا وجنت دائمن اتواصل ويا امي وتكلي زينه ،، بس مره من سألتها عليج كالت راحت بيت امي وجنت دائمن اسالج عليج وتكول زينه علمود مااجي لعراق واترك دراستي جانت تكلي كمل دراستك علمود تصير النا سند بشهادتك ووظيفتك ...
كتله يعني خالتي ماحجتلك شنو صار وياي بيت صبيحه ،، وصحيح انا طلعت من بيتكم وره وسكتت ماكدرت اكمل واكول ابوك....
تنهد وكال ادري قصدج شنو ومنو ،، بس من سافرت امي الي وهي اختي تعجبت وكالت اطلكت من ابوك لان خاينها ويا بنيه اصغر منج ومتزوجها ،، وكالت ورحت اسأل على شوق علمود اجيبها وياي صبيحه كالتلها تزوجت وسافرت ويا رجلها وتكول تعاركت وياها واجيت ،، ردت ارجع لعراق بس جنت ادرس اذا غبت او اجلت يفصلوني وانا دافع فلوس كلش هواي ،، يعني ماكدرت وسنه الي ورها اختي تزوجت من ابن عمي وضليت هناك وتخرجت وره يوم اجيت لعراق انا وامي واجرنا بيت على مانلكه بيت ،، وضليت هذا ادور عليج وعلى وظيفه الحمد اشتغلت ،، وكم مره ارجع لبيت جدتي صبيحه واسأل بس مايعرفون ،، منا سألت واحد وداني على دكتوره ،، ودكتوره اطتني عنوانج واجيتلج ركض ....
أنت تقرأ
جئت اليك لا أدري
Romantikمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
