(جئت اليك لا ادري)
للكاتبات زينب ونور
البارت اثنا عشر
❤❤❤❤❤❤❤❤
وعاتبينه وعاتبينه
وتعبت الجلمات من اشفافنه بكد مابجينه...
واخر حجايات كلناها وعلى الدجه انتجينه...
هم تفك ارياجها العين بوجهكم؟
هم ترد الايام وتردون لينه؟
وكرفصينه أمن البرد يم عتبته الباب وغفينه
❤❤❤❤❤❤❤❤
شافني اسامه رحت لحمام ركض ضليت استفرغ كلشش طلعت روحيي غسلت وطلعت اسامه تلكاني كال شبيج اخذج لطبيب.....
اني كتله لا مابيه شي بس دخت بعد شويه اصيرر احسن.....
اني شكيت اني حامل فايتنني شهرية وماريد ياخذني لطبيب ما اريد استوعب اني حامل...
رحت كملت شغلي وسويت الغده بس بلكوه واكفه على رجلي متت ودايخه اريد بس اخلص اروح ارتاح بغرفتي ....
خلصت شغلي وسمعت آذان الظهر ،، رحت صعدت لغرفتي بس بلكوه على ساعه وطيح على وجهي على الدرج ،، رحت لحمام غسلت وتوضيت رحت لغرفه اصلي وادعي ربي يريح بالي ،،وجنت دائمآ من اخلص من صلاتي اسجد واكول لااله الانت سبحانك اني كنت من الظالمين....
كلش ارتاح ،، خلصت رحت اتمددت بالجربايه ونمت ،، وشويه حسيت باب الغرفه نفتح مالي خلك افتح عيوني واشوف ضليت مغمضه نايمه...
كلت مبين اسامه دخل يبدل لو ناسي شي بالغرفه ياخذه ويروح ،، بس انصدمت من شفته كعد يمي على جربايه واتلمس كصتي حسباله حرارتي مرتفعه ،، باسني بكصتي وطلع من غرفه.....
فتحت عيني ودمعت حبيت حنيته الي اتفقدته من اتوفه ابوي ،، بس مستحيل اتقبله الي كزوج...
اتلمست بطني كلت مو وقتك تجي هسه ،، وتشوف امك مذلوله واخاف يهددوني بيك ،، انا اعرف اسامه مستحيل يهددني بأبني بس خايفه عمتي تحش براسه ...
تذكرت حادث مره صار وياي بهذا البيت ،، جنت انظف الحديقه ومحد موجود بس انا وعمتي وبقيه كلهم بالدوامات ،، جان يدك الباب وتروح عمتي تفتحه...
وشويه صاحتلي تعاي عمتي تعاي شوفي منو اجه يسأل عليج ،، عشتوا عود هم يجون ضيوف لجنتي وياريت اهلها ،، ناس تسأل عليها ليش بطلت من شغل ماادري ياشركه جنتي تشتغلين بيها ،، لو يجون يحتاجون منظفه ،، من امداني وامده بزري الي حب وحده خلك خدامه تنظف بيوت .....
تنهدت وكتلها خلصتي لو بعدج .....
خزرتني وكالت بعصبيه ام لسااان لاتحجين وياي بهاي الطريقه لا اكول اسامه يقطعج تقطع ويرجعج لزبل الي جنتي عايشه بي.....
كتلها ياريت والله تسوين فضل على اقل جنت مرتاحه ،، مااصبح وامسي على ناس تكرك براسي ،، ماادري بهذا اليوم ليش طلعت لساني عليها وصدك عصبت من حجيهاا ....
أنت تقرأ
جئت اليك لا أدري
Romantikمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
