جئت اليك لا ادري
للكاتبات نور و زينب
البارت 21
🌸🌸🌸🌸🌸🌸🌸🌸🌸
- كبرنه ومالگينه ابنادم بگدنه
- وحسدونه اعله كلشي وكلشي ماعدنه ؛♥️"
🌸🌸🌸🌸🌸🌸🌸🌸🌸
كتلها عادي ماصار شي....
كالت عذري امي ترى دومها تباوع ليفوك تحب تشوف ناس اقل منها ،، ترى انا والله مو مثلها بس خفت على اسامه خاف يعيد زمن عليه ،، وهاا صدك حجت بصوت ناصي يمكن اسامه حب مرته بس ماشفته ايغار عليها او اذا صيحت بصوت عالي اسامه يموتها كتل ،، انتي يمكن يتعصب اويضربج بس صدكيني من خوفه الج خاف تتركينه .....
ماحجيت شي بس ابتسمت الها ،، كتلها الحمدلله اسامه يهتم بي وهذا كافي مااريد الحب وصدكيني الي يهتم الي احطه بعيوني ...
ابتسمت وكالت محظوظ اسامه بيج ،، ابتسمت الها ،، كالت يالله انا نازله اروح انام من تعب ....
كتلها براحتج ....
راحت طلعت ،، وضليت يم توائم ارضعهن نامن ،، وبقيت بالغرفه ارتب بيها ،، منا صارت ساعه وحده نزلت هيج وقت يجون لجين وايهم من شغل ونتغده كلنا بس اسامه يتأخر ...
صبيت الغده واجوا الكل يتغده حتى عمتي بس لحد الان ماسألت على توائم ولاشي ماجنهن بنات ابنها ،، لجين كالت شلون بنات مشتاقتلهن كومه ليش ماتنزلينهن جوه ....
ابتسمت وكتلها اسامه مايقبل انزلهن منا يكبرن على الاقل ....
كالت يالله الي ماينزلنا احنا نصعدلهن يدللن ،، مريت على سوق جبتلهن شكلات يجنن بس شفتهن تذكرت بنات...
ضحكت الها وكتله مشكوره ...
انوار نطت من مكانها ماشاء الله بنات حلوات الله يحفظهن ،، يمه لو تشوفينها وحده جنها اسامه يعني علينه طالعه بيضه ،، والثانيه سمره بس تجنن مبين معانيها على شوق...
نحجي وعمتي بس تنافخ ،، خلصنه راحت لجين تغسل ماعين وانا سويت شاي وديته لصاله
ورحت صعدت فوك انا ونرجس ،، اول شي نرجس سبحت وبدلتها ومشطتها ونوبه توائم ،، كلش معتنيه بيهن بحيث باليوم ثلاث مرات ابدلهن وعطرهن ،، احسهن لعبات بحيث جنت دومني ضايجه ومكتئبه ،، من انولدت احس نسيت كأبه ونسيت حياتي قبل وشلون عشتها احس انولدت من جديد من ولدتهن ....
وشويه اجن لجين وانوار صعدن بغرفتي ،، وكمنا نسولف ونضحك منا تعبن ونزلن ...
وانا همات تمددت انا ونرجس بالجربايه ونمت ،، شويه وحسيت اسامه نايم يمي على طرف وحاضني ،، كتله تريد غده ...
كال الله يساعدج ،، دسلمي اول ....
كتله الله يساعدك اتريد غده ....
أنت تقرأ
جئت اليك لا أدري
Romanceمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
