جئت اليك لا أدري

البارت الرابع

(وجئت اليك لا ادري)

       للكاتبات :نور وزينب

          البارت الرابع
*********

إذا عودت نفسكك على الرخاوة فستجدها رخوة أكثر مما تتصور، وإذا عودتها على الصلابة فستجدها أقسى من الحجر، وإذا عودتها على البلادة فهي أقرب ما تكون للموت.. أما إذا عودتها على العمل الدؤوب فلن تخلد إلى الراحة إلا إذا دعوتها.

*********

أيهم كالي صباح الخير ،

كتله صباح النور... والبنيه مشت ماسلمت ،

أيهم كالها أنوار ماتسلمين يالبوز العرس ، هي باوعتله بطرف عينها وراحت نزلت ...

باوعلي كال غلسي عائله كلها وجوهها تتلاطم بس انا وجهي يجيب نعمه ...

ضحكت ودنكت راسي ، وهو راح نزل ....

طبعا لابسه بركع واشتغل لانهم موجودين واستحي منهم ...

كلت بما انوا نزلوا خلي انزع البركع نزعته ..

وكاعد انظف بصاله واسمع واحد نزل من طابق ثالث خفت  رأستن جريت البركع ولبسته  ، وهو سمع شي بصاله ودخل ولد الي شفته بارحه نزل  من السياره ودخل لبيت بس طوله وضخامته تخوف ....

وكال بصوت خشن وعاكد حواجبه منو انتي ...

صفنت يعني مايشوف ادوات تنظيف وانظف يعني   هذا هم سؤال .. كتله منظفه انظف بيت ...

عكد حواجبه ودار وجهه ونزل ...

اوووف والله خفت منه .. بس انتبهت عليه من يمشي مشيته مو عدله جنه يعرج بس قليل ..

خلصت تنظيف ونزلت وراه وسمعت أيهم يكله ياصباح الخير أسامه موجود بالبيت واكول منور بيت يمتى اجيت...

رد عليه بارحه ساعه ٨ من جنت انته مو بالبيت وعاكد حواجبه شكله يريد يتعارك ،

ايهم كاله معزوم عند صديقي ورجعت بال ١ بليل

راح باس راس مره جبيره وكالها صباح خير
يمه ...

كالتله بوجهه مبتسم صباح نور أسامه حبيبي. ...

أيهم عبس وجهه وبرطم بشقه اي ليش  لا أسامه  حبيبي وأيهم  ابن بطه سوده ..

أسامه عكد حواجبه واباوعله بطرف عينه وكاله انجب ..ونوبه دار وجهه على امه كالها جا نرجوسه وينها ...

كالت بيت جدها اخذتها بت عمك روئ عدهاا كالت خلي يمنا تتونس يم جهال ...

دخلت انوار وشافت اسامه ونصدمت وراحت ركضت حضنته وضلت اتبوس بيه شلونك أسوم

أسامه بعدها عنه وكالها خنكتيني والحمدلله زين

رحت انا طلعت لحديقه نظفتها ، ورحت مطبخ لكيتهم كلهم كاعدين اجواء عائليه  ، وكتلها خاله خلصت راح اروح اشرت بيده باي ...