جئت اليك لا أدري

البارت التاسع

(جئت اليك لا ادري)

           للكاتبات زينب ونور

             البارت التاسع
#❤❤❤❤❤❤❤❤#
الليلُ يسألُ مَن أنا
أنا سرُّهُ القلقُ العميقُ الأسودُ
أنا صمتُهُ المتمرِّدُ
قنّعتُ كنهي بالسكونْ
ولففتُ قلبي بالظنونْ
وبقيتُ ساهمةً هنا
أرنو وتسألني القرونْ
أنا من أكون ؟
#❤❤❤❤❤❤❤#

كتله اسامه شلون بترت رجله...

هو انصدم واتعجب وضاج كال هو كالج لو شلون عرفتي..

كتله لا انا شفته يلبس بالرجل صناعيه  بدون ماينتبه عليه ....

اتنهد وحجى بضوجه  وكال هو بحكم شغله عنده اعداء هواي من قبل اهل مجرمين ،، كال بيوم ولاده نرجس هو جان بالدوامه امي خابرتله وكالتله مرتك تطلق راح تجيب ،، هو اجه بسيارته ودوامه جان غير محافظه ،، كسرت عليه سيارتين بطريقه وهو لف سياره غير طريق ونكلبت علي سياره ،،  وسيارتين الي كسرت علي طلعوا وشافوا علمود يتاكدون ميت لو عدل شافوا شكله ميت ومغمي عليه بس كان دايخ  بس واحد منهم ضرب طلقه برجله ، راد يكتله بس سمعوا سياره شرطه وشردوا ...

تنهد ودمعت عينه كال لو تشوفين شلون من كصوا رجله وشلون دمرت نفسيته ،، تدرين مرته جابت نرجس ومن عرفت برجله راح يبتروها،، طلبت طلاق واسامه جان يحبها واتحملها بزينها وبشينها مع علم جانت ماعدها زينه بس شينات ،، ماقبل يطلقها ، ونصدمنا من كعدنا ولكيناها ماموجوده بالبيت ومقدمه بلاغ خلع ،، طلقها هو وعافت بتها وسافرت .....

انصدمت كتلها يعني ماميته ام نرجس...

كال لا ماميته بس احنا نكول لنرجس امها ميته لانها عافتها وتبرت منها ، كالت حتى بتك مااريدها ، هي حسبالها من تنبتر رجله يبطلوه من شغله لان جانت مفتخره انوا متزوجه نقيب وهو همات حباها جانت بت صديقه امي ، ودائمن عدنا...

سكتت وكال ترى اسامه يحبج لو تدرين اول ما شافج بالصيدليه ضل بس يصفن وكل ساعه كال لو تشوف سمارها ....

تعجبت كتله وين تعرف ومنو كالك....

كال انا اسامه مو بس اخوان اصدقاء صح هو غامض وعازل روحهه بس اذا تقربتي منه راح تحبي ،...

كام ، كال يالله كافي لاتسحبين مني حجي واروح بيها  واموت ولجين حبيبتي تصير ارمله ....،  ضحكت عليه ،،ابتسم وراح...

ضليت كاعده مكاني وباوع للحديقه وصافنه ، كلت بكلبي لازم اسامه مايعرف انا عرفت بسره لان راح يجبرني انام بغرفته وهذا شي كلش رافضته، لان لحد الان مامرتاحه بيتهم ولا احس روحي انتمي هاي العائله احس عمتي وانوار يباوعلي بعين صغيره ،، بس والله اذا حسيت اسامه يعشقني ويحبني ويحترمني ويعتذر على كلشي سواه الي ،، اتقبله لان انا اخرتي عدهم وماعندي احد،، ونوبه اتذكرت خالتي وابنها ،، وينج يخاله حسيت العالم كلها ماتتقبلني وتبيعني بس انتي وعبود جنتوا لاصقه جروحي اتمنى ترجعون مشتاقتلكم ،، مسحت دموعي...