(جئت اليك لا ادري )
للكاتبات نور وزينب
البارت الثالث عشر
❤❤❤❤❤❤❤
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه ببير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحه
❤❤❤❤❤❤❤❤❤❤
دخلني للغرفه وضربني راشدي قوي ،، كمت اصيح علي طلكني اشكد اكرهك....
هو عصب علي ،، واتقدم وانا من خوفي ومنا دايخه انغمى علي....
كعدت وشفت روحي بغرفه وبعدين انتبهت انا بالمستشفى وممرضه تشدلي مغذي ،، خلصت وطلعت ....
شويه ودخل اسامه رأستن درت وجهي كلش كارهه اشوفه ،، وكف يم سرير وباس كصتي كال الحمدلله على سلامتج....
ماحجيت وياه ،،، تنهد وكال مبروك....
باوعتله وعكدت حواجبي ،، ابتسم وكال انتي حامل...
بس كال هيج انا كمت ابجي ،، كتله مااريد ،، وهو ضاج وطلع من غرفه ،، كمت اتلمس بطني وابجي ،، وشويه ودخلت دكتوره مسحت دموعي ....
شافتني وابتسمت وكالت الحمدلله على سلامتج ياحلوه ،، كتلها شكرآ ،، مالي خلك احجي ...
كالت هذا بره زوجج.....
هزيت راسي كتلها ايي....
كالت مبروك على حمل وانتبهي على نفسج واكلي ،، الطفل يحتاج تغذيه وانتي همات ،،علمود يستقر ضغطج وفقر الدم ....
هي تحجي وانا اهز براسي ،، مابيه حيل احجي ....
كالت تكدرين طلعين بس راح اكتبلج فيتامينات الي تحتاجينها ولازم تتغذين وكثري فواكه لان انتي حاليا بشهر الاول ،، وان شاء الله تولدين بسلامه وكل شهرين تعالي او ترحين اي دكتوره نسائيه تفحصج علمود ضغطج و جنين نشوفه ...
اطتني ورقه وكالت تكدرين اطلعين هسه ،، ساعدتني اكوم ولبست عبايتي وطلعت ....
طلعت من غرفه ،، ولكيت اسامه كبالي من شافني راستن كام ،، وطيته ورقه الي طتنياها دكتوره مااعرفها شنو ....
اخذها وشافها وكال يالله امشي ....
مشيت وراه وصعدني بالسياره كال هسه اجي ،، انا من تعب وسياره بيها بروده نمت ،، وماحسيت الا من اسامه صعد سياره وحركها ....
وصلنا لبيت ونزلنا ،، دخلنا وشفت عمتي كاعده بصاله وتخوزر ومعصبه،، اسامه اطاني علاكه بيها ادويه كال صعدي ارتاحي....
راح اسامه للصاله وانا ردت اصعد على كيفي لان دايخه ،، وشويه كبت عيطه اسامه وعمتي اسمع عمتي تكول احفاد من عدها خلي تسقطه واسامه عصب ،، مااهتميت الوواه اسقط ادري حرام بس موبيدي ،،كلش كارهه بطني والجنين ،، كملت مشي ورحت للغرفه بس نزعت عبايه ورحت انام من تعب.....
أنت تقرأ
جئت اليك لا أدري
Romanceمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
