جئت اليك لا أدري

البارت الثالث

(وجئت اليك لاادري)

            للكاتبات:نور و زينب

                البارت الثالث
*********
يعين الله يادنيا تسـوق ايّامهـا الأحــزان
يعين الله .. وانتي مثل قفـل ٍ ضـاع مفتاحه
يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه

*******
وجان اتحلم بأبوي صافن على وجهي ويبتسم وبعدين عبس بوجهه وعينه دمعت وراح ، فزيت من نومي واتذكرت الحلم رجعت مددت بالفراش وكمت ابجي بسكوت واعض بالبطانيه علمود لايطلع صوتي .....

سمعت آذان الفجر وتعوذت من شيطان وكمت توضيت وصليت من خلصت صلاه سجدت واريد ادعي  وخنكتني العبره ودمعت عيني وكمت لميت سجاده وطلعت بره اشتم هووه لان الفجر بي غاز  مفيد للجهاز العصبي ومنشط للعمل الفكري و العضلي بحيث يجعل ذروة نشاط الإنسان الفكرية والعضلية تكون في الصباح الباكر وقد ثبت أن حقن الأوزون يمكن أن تعطي الجسم نشاطاً هائلاً وتشعره بسعادة كبيرة ولهذا يستشعر الإنسان عندما يستنشق نسيم الفجر المسمي بريح الصبا لذة ونشوة لا شبيه لها في أي ساعة من ساعات النهار....

صارت ساعه ٧ رحت تريكت وبدلت وطلعت وخليت صبيحه نايمه اليوم ماتطلع ...

رحت اشتغلت وخلصت شغل ورجعت لبيت امشي وصافنه على موقف اليوم الصار بيه من نظفت بيت عايشين بي ثلاث بنات وامهم وابوهم جان الاب طالع من دوام انا رحت انظف وحده من بنات صاحتلي رحتلها كالت تعاي مسحي حذائي كتلها عفو بس انا شغلي بس انظف بيت ماامسح احذيه احد هي ضاجت وعصبت عليه وكالت اذا ماتمسحين حذائي طلعي بره ،

اجت امها من سمعت صوتها يلعلع كالت شكو شبيج تصيحين ، بنيه كامت تبجي وكالت لامها كتلها  مسحي حذائي وكامت تغلط علي حتى كالتلي انا مو خدامه عند خلفوج ، امها باوعتلي بعصبيه وكالتلي طلعي بره لبست عبايتي وطلعت بدون مااحجي او ابرر شي بتها طبعا صدكها حتى لو كذبت.. ..

تنهدت ومسحت دمعتي ، عفيه دموع مايخلصن حتى عيوني كام يحركني ...

وصلت لبيت وشفت بيبيتي كاعده بالشارع خفت بس لاتجدي باب بيت  وصلت يمها ارتاحيت من شفتها لا ماتجدي ...

شافتني وكالت شعجب اجيتي من وكت كل يوم تجين ب٣ اليوم جايه ب١ كتلها اكو بيت كالولي لاتنظفين اليوم لان ماخذه اجازه مره...
ماكتلها نطردت غير تخليني بلا اكل اسبوع منا الكه بيت غيره....

كالت خوش دخلي بيت سوي غده ، دخلت لبيت سبحت ومشطت شعري الي يوصل لخصري ..

خلصت تمشيط وتوضيت وصليت وسويت غده وصبيت وتغدينا....

وبيبيتي كالت اليوم رحت لجيران اشوفهم شنو يردون مني ، دخلت بيت ماشاء الله بيتهم قصر وجنه مصنوع من ذهب ، طلعتلي مره جبيره بالعمر وباعتلي بطرف عينها كتلها انا امس سالتوا علي ... كالت هاا دخلي ودخلتني لحديقه شفت حديقه حسبالي دخلت للجنه  من جمالها وكالتلي سمعت بيكم عدكم بنيه تنظف بيت اريد ها كل يوم تنظف وتطبخ ،كتلها بتي تاخذ هيج مبلغ $$لبيت واحد كالت سهله اطيها ضعف بيت بس تجي تنظف كتلها خوش تجيلكم ساعه ٨ وطلعت...