جئت اليك لا ادري
للكاتبات نور و زينب
البارت 18
🌸🌸🌸🌸🌸🌸🌸🌸🌸
عندما يكون #الله هو من يتولى الدفاع عنك فيا لخيبة من يعاديك ...
🌸🌸🌸🌸🌸🌸🌸🌸🌸
رحت سويت شاي وديته بصاله ،، شويه واجه ايهم وكام يضحك ويشاقى انوار واروئ لان خايفات من نتائج وكل ساعه كايلات ادعولنا ننجح ،، وايهم يكولنا يالله كوموا خلي نصلي ركعتين لنجاحهن ،، واحنا ميتين ضحك ...
انوار كالت انا من هسه اكلكم انا مو كلش مجاوبه بالامتحانات ،، يمكن قبل الامتحانات طموحي دكتوره ،، هسه اي شي حتى لو اكعد بالبيت ميخالف ....
اروئ كالت لا انا مجاوبه حتى لو مامجاوبه ادخل كليه اهليه ...
ايهم ضحك وكال صار انسحاب تكتيكي ...
لجين كالت عادي انا حسبالي معدلي يطلع بالسبعين بس الحمدلله طلع بالتسعين ودخلت هندسه وشافني ايهم كام يفتر وراي منا سحل روحه علي وافقت علي وتزوجنا مو صح ايهم ....
هي كالت هيج واحنا متنا من ضحك ،،وايهم برتباك كال الله يطيح حظج يمته سحلت روحي غير انتي كلما تمشين تكولين هذا خطيبي وكفتي رزقي منا كسرتي خاطري واعترفتلج .....
لجين فتحت حلكه وكالت يمتى ....
اروئ مو وكتكم تحجونا قصه حبكم ،، ادعولنا باجر نتائج ....
ايهم كام وكال يالله لجين كومي ....
لجين كالت وين ....
كال للغرفه نصلي وندعيلهن على نجاح ،، وغمزلها .....
هي ضحكت بخجل وكامت راحوا وكالوا تصبحون على خير....
اتأخر وقت ،، اجتلي نرجس وكالت شوشه اريد انام نعست ،، كمت وكتلها يالله تعالي وانا همات نعست ،، كتلهم تصبحون على خير ،، وردوا علي ....
صعدت فوك على كيفي ورحت لغرفه نرجس بدلتها وغسلت واجت على نامت ،، كعدت يمها منا نامت لان تخاف وحدها تنام ،، طلعت ورحت لغرفتي بدلت ونمت ....
كعدت من نومي عطشانه وشفت ساعه بالوحده بليل واسامه ماموجود بالغرفه اتعجبت مو من عادته هيج يتاخر ،، رحت فتحت ثلاجه ومالكيت ماي لازم انزل جوه ومابيه حيل ،، تنهدت واخذت بطل ونزلت واشوف ضوه مال صاله وصوت طالع اسامه واروئ يحجون .....
اسمع اروئ تحجي وتبجي تكله والله انا احبك وهواي ناس يجون يخطبوني بس مااقبل لان عندي امل تجي تخطبني ....
اسامه يكلها مره ثانيه من يجونج لاترفضين انا حاسبج مثل انوار ،، وثاني شي انا رجال متزوج واحب زوجتي ،، ويااروئ واذا عدتي هاي شغله الي سويتيها هسه قسم بالله اخليج تندمين و واطردج من بيت،، وخلي عندج كرامه شويه...
أنت تقرأ
جئت اليك لا أدري
Romanceمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
