جئت اليك لا أدري

البارت الاول

(الرواية وجئت اليك لا ادري)

              الكاتبات :نور و زينب

                    البارت الاول
*******
اليتيم أنا اليتيم يامن يجاوب صرختي
الجوع ينهش في  حشاي  والبرد يسكن غرفتي
أمرض ولا أحدا بي درى أسهر وصارع علتي
أن شفتي لعبة مع صغير قمت أتذكر لعبتي
اللي شراها أمي وأبوي أخترتها من رغبتي ماتت   بعد مات الحنان دفنتها مع فرحتي
بقيت أنا بين الذياب عازل وحيد بغربتي
مظلوم في هذا الزمان من خالتي من عمتي
لساني موت الكلام والحزن عاشق نظرتي
أسألك يا الرب الودود تلطف وتفرج كربتي
*********

اجت امي لابسه فستان ابيض
واطتني لعابه وابوي واكف يمها
كالولي ديري بالج عليها ..وانا فرحت
جنت  اتمنى  اتصير  عندي  لعابه
مثل  بنات والعب  بيها ونوبه طلعوا وصحت وراهم ومادارو وجهم عليه ...

وجان افز من نوم بصياح بيبيتي ولج يالزركه كومي وراج شغل ..وانا رجعت لحاضر الي عايشه بي عمر الي راح مايرجع ....

دمعت عيني بس مسحتها بسرعه من سمعت بيبتي الي هامهه بس فلوس من شغل الي اشتغل بي ..ولج كومي روحي لشغل لا الناس يطردونج منه..

وانا شفت ساعه ٦ الصبح ...

ادري يابيبي ماتشوفين ساعه كاعدتني من صبح حتى بيت الناس بعدهم مارايحين لشغل خلي تصير
ب٨  وبعدين جو بارده وكاعد تمطر خليني نايمه حبابه ...
دكومي كومي روحي لشغل وانا اريد اطلع لكراج ..
كتلها كافي المن طالعه لكراج مو انا
كاعد اشتغل واطيج فلوس المن
رايحه بس اتجدين فلوس مايكفيج

الفلوس الي اطيج ياها حتى ربع مااحصل منهن على اقل اطيني مال تعبي .....

خزرتني وكالت تكومين لا والله هسه اطردج من بيت زين من حاطتج بالبيت ومكابلتني..

من اشوفج واتذكر ابوج لابارك بيج ولا بأبوج  الي اطيته بتي وماتت من جابتج  كتله لا تخليها تحبل عدها فتحه بالقلب ..

بيبي اول شي لاتلغطين على ابوي ترى ميت وثاني شي  غير سمعت من بابا هي رادت  طفل ..

دكومي كومي لاتلغطين على ابوي ليش بالله ابوج منو وثاني شي لو ما امج الي دكت رجل الا تاخذه ولااطي بتي انا ردتلها تاخذ واحد حلوو وعنده خير وفلوسس بس انعجبت بابوج الازرك هسه تكومين لو طلعين من بيت ...

كمت لان بيبي اعرفها لا همها امي ولا ابوي الي ماتوا ..امي توفت من جابتني ..وابوي اتوفه من عمري ١٠ سنوات  بحادث سياره لان يشتغل سايق تاكسي ..وعندي اعمام اثنين واحد مشلل وثاني يبيع فلافل ومرته مارادتني ..وعماتي متزوجات بغير محافظه ويدرن بيه بس همات مايردني ...

كمت غسلت وجهي وتوضيت وصليت ورحت اتريك اشرب شاي واكلت نص رغيف خبز لان بيبتي تحسب علي الاكل الي اكله...

لبست عبايتي وبركع مالتي لان استحي من المنطقه الي عايشه بيها كلهم يعرفون بي اشتغل بالبيوت انظف وبيبيتي اتجدي  بس محد شايف وجهي ...

طلعت من بيت واشوف ويا طلعتي ابن جيرانه الي مسوي تسريحه ديج موكف شعراته وركب بسياره مالته وراح معجبه بي لان ثكيل ولا يباوع مثل الناس بس منو ياخذ خدامه بيوت وبيبيتها تجدي اموت واعرف وين تودي لفلوس امشي وافكر ...

رحت لبيت الي انظف بي مال دكتوره مطلقه وعدها طفلين ..جانت حبابه وياي  هي مرات تكولي الناس محتاجه منظفه من صديقاتها وكالتلي انا واثقه بيج وبيهن لان اعرفهن ومحد بالبيت.....

من شافتني كالت صباح الخير شوق ...

ابتسمت ودنكت راسي  وكتلها صباح نور دكتوره ...

ضحكت تعرفني اخجل وتعرف ظروف  وكالت هذا مفتاح بيت اطتنياه لان واثقه بيه   اخذته وطلعت لشغلها دخلت لبيت نظفته كله خليتي يلمع وطلعت من بيت وخليت مفتاح جوه باب ...

وطلعت لبيت الثاني وهمات نظفته ... حوالي نظفت خمس بيوت انا شغلتي بس انظف مااطبخ مع علم اعرف اطبخ بس مااحب اتاخر ومااحب اشتغل بالبيت واحد علمود مااتعود عليهم ودائمن كل سته اشهر اغير بيت .....

منا صارت ساعه ٣ عصر رجعت لبيت ظهري مكسر انظف تقريبا اربع بيوت...

لكيت بيبيتي ماموجوده نمت ..وفزيت على رفس بظهري ولج يالزركه كومي طبخي خلي ناكل لكمه ..وخرت لحاف من وجهي واكول بكلبي عجوز كل بله بيج الله يساعد جدي جان عايش وياج شلون متحمل مع انوا سمعت مات بجلطه ...
حقه يموت بجلطه بس لا انا همات اموت بجلطه من وراهاا ...

اوووف اكوم اسوي سم كمت سويت تمن وطلعت مركه  مال امس حميتها واكلنا وكالت كومي سوي جاي سويت جاي وطيتلها وغسلت ماعين ..

وافكر  اشرد بيت خالتي نوال الي رضعتني من توفت امي بس رجلها فد واحد حقير ويتحرش وجان عدها بنيه وولد ، البنيه اسمها نورس اصغر مني بسنه  مغروره ومتكبره بس هي كلش  حلوه  تحب فلوس وعدها كره وحقد بس وتسميني الزركه نفس بيبيتي لان انا سمره... ولد جان اسمه عبدلله واسمي عبود  بكدي بس اكبر مني بكم شهر اخوي بالرضاعه ...

وجان حباب وياي بس سافرللخارج يدرس بالخارج يم بيت عمه ،  رجل خالتي  جان حالته زينه يشتغل موظف بالمستشفى بس بخيل  وعوينجي...

خالتي مقاطعه بيبيتي لان تعرف بيها اتجدي وتخليني اشتغل بالبيوت انظف ..اشكد بجيت من سافر عبود واجيت لبيبتي لان ابوه واحد كام يتحرش بيه بالكلام و يتغزل بيه جنت اذا يجي من شغل ادخل لغرفه ...

غسلت وخلصت ماعين ورحت اتمددت على مخده وصافنه وافكر شنو اسوي ...اتمنى اشتغل واتعين ضحكت على نفسي وانا لحد ثالث ابتدائي وبطلت لان بابا توفى عيني دمعت
واكول بكلبي (اللهم يافارج الهم وياكاشف الغم فرج همي ويسر امري وارحم ضعفي وقله حيلتي وارزقني من حيث لااحتسب يارب العالمين) ونمت.....

وكعدت مغرب شفت صبيحه  مو هنا لو تدري بيه اسميها صبيحه جا طردتني من البيت وهو شلون بيت  الي خايفه منه انطرد  طلعت بره واشم هواء واسمع اذان المغرب...

واسمع هوسه بالشارع  وفتحت الباب وجان اشوف جيران جدد حطوا مقابيلنا ودرت وجهي وجان اشوف  ....

❤
❤
❤
بنااات تفااااعلجن ويااانا وهاي اول الروايه النااا .. ويارب تعجبجن ❤❤😘