جئت اليك لا ادري
للكاتبات نور وزينب
البارت 20
🌸🌸🌸🌸🌸🌸🌸🌸🌸🌸🌸🌸🌸🌸
ولِك لو بيدّي احُرمك طلعة البَاب
الِنَاس تِبوگ أبو عِيــوُن الوسيعَة .
🌸🌸🌸🌸🌸🌸🌸🌸🌸🌸🌸🌸🌸🌸
ثاني يوم اخذني اسامه لبنات وشفتهن صغار ويجنن ،، صدك وحده بيضه وثانيه سمره اخذتهن وضميتهن شكد ماجنت متألمه من عمليه بس شفتهن نسيت آلم ونسيت نفسي احس روحي هستوني انولدت ...
لجين كالت مبروك ربي يحفظهن ويتربى بحظانكم ان شاء الله ...
ابتسمت الها وكتلها مشكوره لجين تعبتج وياي هواي وياربي يرزقج بأطفال صالحين ، انتي اختي الي ماولدتها امي ....
ضحكت كالت بشقه خجلتيني بكلامج حلو ،، عيدي كلامج يم ايهم مدحي بيه هواي حتى لو بالجذب ،، ضحكت عليها
اسامه كالها وين ايهم ....
كالت راح يبدل وومناك ياخذ اجازه ويرجع لمستشفى....
هز راسه وكال انا رايح اجيب اكل وارجع،، راح وانا ضليت ارضع بالتوائم ،، رجعت لغرفتي ولجين اجت وياي كتلها مارحت وياايهم ستراحين تعبناج وياي....
كالت لا بس شفت بناتج مابدلي اطلع بدلي ابقى يمهن ،، احب اطفال ،، سكتت ونوبه حجت كالت منو دفعج....
تنهدت وكتلها اروئ ....
كالت ليش ماكلتي اسامه ....
كضيت ايدها وكتلها احلفج بشنو غالي عليج لا اتكولين لأحد حتى لأيهم ،، انا اريد هو يعرف من وحده اريد اشوف شنو يسويلها اذا عرف ...
كالت شلون يعرف غير انتي تكوليله....
جريت نفس وكتلها لا هو راح يعرف صدكيني ،، وهالايام مااعرف ليش عمتي واروئ يصعدن بغرفتي ويدورن مااعرف على شنو يدورن ،، يمكن حسبالهم اسوي سحر وحاطتها بغرفتي....
سكتت وكالت الله يعينج...
اجه اسامه وجاب الاكل وطلع خاف تستحي لجين وماتاكل ،، انتظرنه ايهم علمود يبقى يم توائم واحنا نرجع ،، اجه واحنا رجعنا ولجين همات رجعت ويانا ولكينه بيت محد بي انا رأستن صعدت فوك واجت نرجس تركض علي هاا شوشه وين خواتي ،، ابتسمت وكتلها بالطبيب بعدهن ،، اسامه كالها روحي بدلي علمود اخذج تشوفينهن ،، هي راحت تركض ...
وصلني لغرفه وعدل الجربايه كال يالله تعاي تمددي ،، رحت تمددت وبالي يم توائم كتله اسامه يمتى يجيبون توائم لبيت اخاف يضلن يبجن ...
كال لا تخافين فد اسبوعين ويطلعن ويوميه واحد يبقى يمهن لو انا لو ايهم ....
هزيت راسي اي ،، وكال انا هسه رايح يمهن واخذ نرجس وياي ....
أنت تقرأ
جئت اليك لا أدري
Romanceمرااهقه ويتيمه عاشت عنده جددتها بعد ان تبرا منها اعمامها وتقوم جدتها ببيعها الى نقيب بعد تهديدها بسجن .......
