استدار للمدير بابتسامة مصطنعة ، ثم تبعه الى مكتبه فوجد العديد من زملائه قد تم استدعاءهم ايضا نظر الجميع للمدير بتساؤل ليقول بجدية :
- انتوا تعبتوا جدا الفترة اللى فاتت .. و اغلبكم بييجى من اماكن بعيدة ، صح ؟
كان الجميع تقريبا يسكنون بالقرب من الشركة لكنهم مع ذلك وافقوا على كلامه .
ليوجه المدير سؤاله ليونس :
- انت منين يا يونس ؟ ، من انهى منطقة ؟
فأجاب يونس :
- انا من عزبة لولو .
- عزبة لولو ؟ ، فين دى ؟
- دى حارة شعبية عالبحر طوالى ، دى هى يا دوبك اد كدهو ( قالها و هو يضيق اصابعه ) ، بس ايه .. ولا احسنها مدينة ساحلية .
فقال المدير و هو ينهى هذا الموضوع :
- ربنا يخليهالك ، المهم ..
قاطعه يونس و هو يقول بتعجب :
- ايه ربنا يخليهالك دى ؟ ، هى بنت اختى ؟
نظر له المدير بغضب و قال :
- اتكلم كويس يا بشمهندس ، انت كدة بتتجاوز حدودك .
نظر له يونس و قال معتذرا :
- اسف يا فندم .
فقال المدير بهدوء عكس غضبه الذى كان منذ قليل :
- المهم يا جماعة .. انا جمعتكم النهاردة لأنكم افضل موظفين عندى فى الشركة و ...
قاطعه يونس قائلا :
- انشالله تنستر .
قال المدير بحزم :
- دى آخر مرة تقاطعنى فيها يا بشمهندس .
أومأ يونس باعتذار للمرة التى لا يعرف عددها ، ليكمل المدير قائلا :
- زى ما قلت انتم أفضل موظفين عندى ، عشان كدة ؛ حديكم شغل زيادة يخلص بكرة بالكتير ، بكرة الصبح يكون عالمكتب ، و الا حخصم من المرتب .
ثوانى و علت ضحكات المدير و هو يقول :
- عالمكتب و من المرتب ، طب و الله لايقة .
ليشاركه الجميع الضحك ماعدا يونس الذى نظر لهم بقرف و هو يقول :
- على رأى أم شهد ، ان كان ليك عند الكلب حاجة قوله يا سيدي .
................................................
الإقتباس دة تصبيرة كدة لحد لما الرواية تنزل بعد الامتحانات بإذن الله 💜
إلى اللقاء القريب 💙📝
منة الله عمرو أبو زيد 📝
عزبة لولو 💙
أنت تقرأ
عزبة لولو
Humorكيف تكون الحياة لرجل متعلم وسط مجتمع جاهل ؟! . هل من السهل تحويل عزبة شعبية لمكان متحضر ؟ . بل فى الأصل ما هى عزبة لولو ؟. ما هذا العنوان الغريب الذى احتل عنوان الرواية ؟ . هل هى مكان ام زمان ام جماد .... هل هى مكان اثرى ؟ . ام هى اختراع جديد ؟ . هل...
