السلام عليكم جميعًا💙
وحشتوني خالص💙
اعذروني على التأخير غصب عني معلش💔
بس أحداث الفصل هتنسيكوا التأخير دة انا متأكدة😂💙💙💙
شكرًا 10k💙
شكرًا 1k فوت💙
بحبكم يا أحلى متابعين و مُبارك لينا يارب💙
الفصل أكتر من ٣٥٠٠ كلمة💙
رجاء لا تجعلوا قراءة هذه الرواية تسهيكم عن صلواتكم و عباداتكم💙
صلوا على من بكى شوقًا لرؤيتكم💙
بسم الله نبدأ💙
_____________________________________________________
كانت منة تجلس رفقة آدم على الأريكة و هم يتبادلون اطراف الحديث كعادتهم عندما يتفرغون ، قالت منة و هي تهم بالنهوض :
- هروح اشوف الأكل استوى ولا لسة .
ثم أكملت قائلة بطفولية :
- معلش يا آدم ممكن تحط أكل لمحروس و مرزوق عشان نسيت احطلهم النهاردة و زمانهم جعانين يا حبة عين امهم .
ابتسم آدم بقلة حيلة و قال و هو يتجه للكتاكيت :
- ماشي يا ستي...نروح نحط أكل للكتاكيت و احنا لسة مكلناش عشان محدش يقول علينا حاجة .
قالت منة و هي بداخل المطبخ :
- شطور يا دومي ، و متنساش كمان تسقي الزرع عشان مشربتهوش بردو .
ضحك آدم بخفوت و هو يتجه ليفعل ما قالته له منة لكنه شعر فجأة بجسد يركض نحوه و التي لم تكن سوى منة و هي تصرخ قائلة :
- الحق يا آدم صرصار في المطبخ .
انتفض آدم بفزع على صراخها و قال :
- يا ستي حرام عليكِ كل دة عشان صرصار؟! ، ادي اخرة الجواز .
قالت منة و هي تدفعه نحو المطبخ :
- اقتله بسرعة مفيش وقت للتفسير .
أمسك آدم بالخف سريعًا و قام بضرب الصرصور ضربة قوية ، و عندها تنفست منة الصعداء بينما آدم ينظر لها ببسمة و قال :
- تمام؟
أومأت منة بالإيجاب ليقول آدم بنفس البسمة و الهدوء :
- ممكن بقا اطلب منك طلب .
نظرت له منة بترقب لباقي حديثه ليقول آدم بهدوء اكبر :
- ممكن تقوليلي فاضل ايه في الأكل و انا اكمل؟
قالت منة بعدم فهم :
- ليه؟
قال آدم و هو يشير لفمه بطريقة مضحكة :
- جعان .
قالت منة بعفوية :
- كدة كدة الأكل خلص هغرفه بس و آجي .
قال آدم و هو يجاهد حتى لا يضايقها :
- منة حبيبتي هو انتِ عملالنا اكل ايه على كدة ؟ ، اصل المغرب قرب يأذن يعني و انتِ بتطبخي من الظهر .
قالت منة ببساطة :
- كنت بقلي سمك ، انت مش شامم ولا ايه؟
قال آدم و هو يكاد يبكي :
- ايه!
قالت منة بعدم فهم :
- ايه؟
قال آدم :
- بتقلي سمك من الظهر يا مفترية؟! ، دة انا قولت بتعمليلنا خروف على الوقت دة كله!
أنت تقرأ
عزبة لولو
Humorكيف تكون الحياة لرجل متعلم وسط مجتمع جاهل ؟! . هل من السهل تحويل عزبة شعبية لمكان متحضر ؟ . بل فى الأصل ما هى عزبة لولو ؟. ما هذا العنوان الغريب الذى احتل عنوان الرواية ؟ . هل هى مكان ام زمان ام جماد .... هل هى مكان اثرى ؟ . ام هى اختراع جديد ؟ . هل...
