السلام عليكم💙
البارت مليان احداث يارب يعجبكم بعد الغياب دة💙
فوت قبل القراءة💙
رجاء لا تجعلوا قراءة هذه الرواية تسهيكم عن صلواتكم و عباداتكم💙
بسم الله نبدأ💙
______________________________________
كانت تسرِّع من خطواتها بغضب شديد تأمل الوصول إلى " عم فرج " سريعًا لتحاسبه على قسوة قلبه و القيام بتلوين المسكين محروس .
كان آدم يركض خلفها قائلًا :
- يا بنتي اهدي شوية مش كدة و انا هتصرف طيب .
لكن منة لم تستمع له و وقفت أمام عم فرج الذي كان يضع العديد من الصناديق التي تمتلئ بالكتاكيت الصفراء و الملونة ، قالت منة بغضب :
- انت ازاي يا عم فرج تسمح لنفسك تغش الناس؟!
نظر لها فرج بعدم فهم قائلًا :
- اغش مين بس؟! ، انا عملت ايه دلوقتي؟!
قالت منة بلوم :
- هي الكتاكيت الملونة دي ملونة فعلًا؟
نظر لها فرج بعدم فهم قائلًا بسخرية :
- سلامة الشوف يا بنتي ما هم ملونين قدامك اهو...
قالت منة و هي تظن أنها أمسكت به :
- ما هم ملونين عشان انت لونتهم... يعني مش ملونين طبيعي ، صح ولا ايه؟
قال فرج ببساطة شديدة :
- طب ما هو طبيعي يعني ، اي عيل صغير عارف كدة ، هو فيه فرخة بتبيض كتاكيت ملونة يعني؟!
نظرت له منة بإحراج ثم قالت بخجل :
- معلش مكنتش اعرف و كنت فكراك ضحكت عليا...
قال فرج بابتسامة :
- خلاص يا بنتي مش مشكلة ، و بعدين عادي يعني ما هو فيه ناس كتير ميعرفوش .
قالت منة بصوت خافت :
- بجد؟
قال فرج بابتسامة و هو يلتقط كتكوت ملون من الصندوق :
- اه بجد ، خدي بقا الكتكوت دة هدية من عمك فرج و اهو يلعب مع محروس .
اتسعت ابتسامة منة بشدة و قالت بنبرة طفولية :
- شكرًا اوي اوي يا عمو ، انا بحبك خالص .
ضحك فرج بحنان و قال و هو يمرر أصابعه في شعره الأبيض :
- ربنا يكرمك يا بنتي يا رب و يجبر بخاطرك .
ثم صمت قليلًا و قال بابتسامة حزينة :
- ممكن اطلب منك طلب؟
أومأت منة سريعًا و قالت :
- عينيا ليك ، هو احنا عندنا كام عمو فرج .
ابتسم فرج قائلًا :
- ممكن تيجي تطلي عليا كل يوم ، هتلاقيني قاعد ببيع هنا ، لو ملقتنيش اسألي عليا .
نظرت له منة بعدم فهم ليقول بعيون دامعة :
- مش عايز اموت لوحدي يا بنتي ، ابقي طلي عليا كل شوية بالله عليكِ .
نظرت له منة بدموع و قالت بابتسامة حنونة :
- بس كدة؟ ، من عنيا .
ابتسم لها فرج بامتنان ، فهو يعيش وحده بعد وفاة زوجته و لم يرزق منها بأولاد ، لكنه يريد أن تصبح هذه الفتاة اليتيمة ذات الروح الطفولية بمثابة أبنة له .
أنت تقرأ
عزبة لولو
Humorكيف تكون الحياة لرجل متعلم وسط مجتمع جاهل ؟! . هل من السهل تحويل عزبة شعبية لمكان متحضر ؟ . بل فى الأصل ما هى عزبة لولو ؟. ما هذا العنوان الغريب الذى احتل عنوان الرواية ؟ . هل هى مكان ام زمان ام جماد .... هل هى مكان اثرى ؟ . ام هى اختراع جديد ؟ . هل...
