السلام عليكم جميعًا💙
وحشتوني جدًا و الرواية وحشتني💙
معلش فيه لغبطة في المواعيد انا عارفة💔
الفصل مش قصير و مليان أحداث إن شاء الله تعجبكم💙
فوت قبل القراءة💙
هنعمل حاجة حلوة جدًا ان شاء الله و هي اني هكتب مقولة قبل كل بارت عن مواضيع مختلفة💙
رجاء لا تجعلوا قراءة هذه الرواية تسهيكم عن صلواتكم و عباداتكم💙
شكرًا 11k💙
بسم الله نبدأ💙💙
____________________________________
" عندما يعجز اللسان عن التحدث فالجسد يصبح مسرحًا للتعبير"
-من محاضرة د/ محمد خطاب.
.............................................................
كانت نداء تجلس في منزلها و هي تحادث اخواتها في مواضيع كثيرة ، تفكر في ما علمته من رِماز...هل حقًا تقدم لخطبتها؟! ، هي مازالت تحت تأثير الصدمة...قالت بتأفف و قلق في الوقت ذاته :
- هو يونس اتأخر كدة ليه؟ ، كل دة بيوصل أم حنان؟
نظر لها الجميع بجهل و عدم معرفة لسبب غياب يونس لفترة طويلة ، تسرب القلق إلى قلوب الجميع لتقول شهد بملل من تصرفاتهم و قلقهم الزائد عليه :
- فيه ايه يا جماعة دة لو انا اللي اتأخرت مش بتقلقوا كدة...يونس مش عيل صغير يعني تلاقي فيه حد ناداه ولا حاجة .
قالت مريم و هي تنظر لشهد بقلق :
- بس انا مش متعودة انه يتأخر كدة ، و بعدين اه بخاف و بقلق عليه ايش عرفك انتِ دة حبيب قلب اخته .
قلبت شهد عينيها بملل و لم تكد تجيب حتى سمع الجميع صوت طرقات متتالية على باب الشقة ، اتجهت مريم إلى الباب بلهفة ظنًا منها ان يونس هو الطارق ، لكن خاب ظنها و هي ترى امامها هذا الطفل اليتيم الذي تشاجرت معه دنيا من قبل ، حاولت ان ترسم ابتسامة لطيفة على وجهها ثم سألته بحنان :
- عامل ايه يا حبيبي؟ ، بقالنا كتير مش بنشوفك يا سُكر انت .
ابتسم لها الصغير ببراءة و قال :
- معلش أنا آسف يا ابلة مريم بس كنت مشغول .
نظرت له مريم باهتمام و هي تسأله بنبرة لطيفة :
- و الحلو كان مشغول في ايه بقا؟
قال الصغير بحماس :
- كنت بحفظ قرآن في المسجد مع الشيخ عابد ، حفظت جزء عم كله...انتِ متعرفيش ولا ايه؟ ، دة حتى عمو يونس كان بيحضر معانا لما الشيخ عابد كان بيحفظني انا و ساجد و محمود و شاكر و صالح و كان معانا بنات كمان معرفهمش ، كان بيقعد معانا بس مش على طول يعني .
ابتسمت مريم بلطف و هي تقبل جبهة الصغير قائلة :
- مُبارك يا جميل عقبال ما تختم القرآن يارب .
بينما في الداخل كانت هناك من يقفز قلبها بسعادة بمجرد ذكر اسم عابد...
نظر الطفل إلى مريم قائلًا :
- لو سمحتِ ممكن تنادي ابلة نداء عشان الشيخ عايزها؟
أومأت له مريم موافقة و ابتسامتها تزين وجهها ثم قالت :
- حاضر يا حبيبي هخليها تروح دلوقتي ، بس قولي تروحله على فين؟ ، يعني هو في البيت ولا مستنيها في حتة؟
أنت تقرأ
عزبة لولو
Humorكيف تكون الحياة لرجل متعلم وسط مجتمع جاهل ؟! . هل من السهل تحويل عزبة شعبية لمكان متحضر ؟ . بل فى الأصل ما هى عزبة لولو ؟. ما هذا العنوان الغريب الذى احتل عنوان الرواية ؟ . هل هى مكان ام زمان ام جماد .... هل هى مكان اثرى ؟ . ام هى اختراع جديد ؟ . هل...
