My Once In A Lifetime

22

This story has advanced chapters in Patreon.

Be a patron for only 50 pesos per month.
Visit my patreon account.
www.patreon.com/vampiremims

Leave a comment if you like the story!

☀️☀️☀️

Nakatingin lang ako kay Cherinna at Jahann habang abala ang dalawa sa pagbuo ng sand castle nila. Panay ang tawa ni Cherinna kapag gumuguho iyon dahil uulitin ulit iyon ni Jahann at mukhang nasusubok ang pasensya nito. Si Lean at Theon din ay bumubo sa kabilang side pero hindi nila matayo-tayo iyon dahil sa panggugulo ni Keij.

Kanina ay binato ni Keij iyon ng bola at sinabing hindi nito sinasadya pero bago pa man mabuo ulit ang sand castle nila Theon ay tinamaan ulit iyon ng bola nito.

I smiled a little while looking at Cherinna and Jahann. Who would’ve thought that things will really turn out well for them? That after all the things that happened, they will still be together? Nasa condo na muna ni Jahann si Cherinna hanggang ngayon kahit na nakabalik na mula sa States ang mga magulang nito dahil pinaparenovate nito ang bahay dahil gagawan na si Nikolai ng sariling kwarto. Sa bahay naman namin umuuwi si Jahann dahil hindi ito pinapayagan nila Mommy at Daddy maging ng mga magulang ni Cherinna na magsama sa iisang bahay. Sinusunod naman nila ang bagay na iyon.

Jahann proposed to Cherinna as well, and she said yes. Wala rin kaming ideya sa gagawin nito, nalaman na lang namin iyon nang sumama kami sa Sweet Desire papunta sa Ai’s. Hindi namin akalain na magiging proposal na pala ang gabing iyon. Well, alam ni Enzo, Kol, Airi at Dean iyon pero wala man lang ni isa sa kanila ang nagsabi ng plano ni Jahann.

He told me he didn’t involve me since I might spill it before the proposal date.

Hapon na rin naman noon kaya hindi na mainit ang tama ng araw sa amin. Nakasandal lang ako habang pinapanuod ang mga kasama ko. I am still wearing my two piece swimsuit. Kulay pula iyon kaya naman litaw na litaw ang puti ng balat ko. Kanina pa kami lumalangoy at ako na rin ang nag-aya sa mga ito na magpahinga na muna. May mga nakahanda naman kaming pagkain at inumin doon. It’s like a celebration of Jahann and Cherinna’s engagement.

“Here,” lumapit si Enzo sa akin at naupo sa tabi ko habang hawak ang plato na may laman na mga inihaw na manok, liempo at barbecue. Ngumiti ako sa kanya at nagpasalamat. Simula noong nagpunta kami sa Cyan’s ay parang araw-araw ko ng kasama si Enzo dahil palagi kaming nagkikita lahat.

Hindi ko na nga halos nagagamit ang sasakyan ko dahil dinadaanan niya kami ni Airi. Sabi kasi niya ay may pinuntahan siya sa malapit kaya sinusundo na lang niya kami at dahil susunduin ni Dean si Airi kung nasaan man kami, ako na lang ang hinahatid ni Enzo sa bahay pagtapos.

“Careful, mainit pa,” sabi ni Enzo sa akin bago inihipan ang barbecue. I looked at him and smiled. “Thank you,” sabi kong muli sa kanya nang inabot niya na sa akin iyon at nagsimulang kumain.

Maging si Enzo ay tumingin na rin sa mga kasama namin na abala sa kanya-kanyang ginagawa. Si Kol ay nakaupo lang din sa may hindi kalayuan at kanina ko pa napapansin na tila may kausap ito. Hindi ko naman na siya nilapitan dahil baka sungitan lang ako nito.

“Paano mo nalaman na gusto ni Jahann si Cherinna?” untag ko kay Enzo habang kumakain. Lumingon naman siya sa akin na kunot ang noo. “Hmm?”

I shrugged and offered the barbecue to him. Kumagat naman siya roon at ipinagpatuloy ko na ang pagkain. “Sinabi ba niya sa’yo?” usisa kong muli kay Enzo.