ချစ်ရသူရဲ့ရင်ခွင်ထဲမှာမှီတွဲရင်း
တိုက်အပေါ်စီးမှမြင်နေရသည့်
မြို့ပြရှူခင်းမီးလင်းလင်းလေးတွေ
ဟိုဒီသွားလာနေတဲ့ကားလေးတွေကို
ငေးကြည့်ရတာဟာအရသာအလွန်ရှိသလို
ကိုဖျော်ပေးတဲ့ whisky cocktail ကလည်း
အရသာအလွန်ရှိသည်။
" Babe"
ရီဝေမူးနောက်နေပေမဲ့
ကို့မျက်ဝန်းညိုတွေသည် မာကျူရီမီးရောင်တွေထက်တောက်ပနေခဲ့သည်။
ကိုဟာရေဗက္ကာအားအကြာကြီးငေးစိုက်နေတာမို့ ရေဗက္ကာမျက်လွှာလေးတွေပါချထားမိတော့သည်။
" ကိုတို့လက်ထပ်ကြမလား"
အတည်အတံ့မေးနေပေမဲ့ ရေဗက္ကာ ဟာဆံပင်အုံထူထူလေးတွေကိုဘယ်ညာသပ်ရွှေ့ရင်း သူ့ကိုမေးလေးထောက်ကာကြည့်သည်
" ကို မူးနေလား"
ကိုမူးနေသလားမေးတဲ့သူမလေးရဲ့အကြည့်ဟာလည်းရီဝေဝေသာ
ကြည့်ရတာဒီကောင်မလေးမူးနေပြီထင်၏။
" မဟုတ်ဘူး Babe
ကိုတကယ်ပြောတာ
ကို အခု တည်ငြိမ်တဲ့ဘဝကိုရောက်ချင်ပြီ
ကို့မှာ သံယောဇဉ်တွယ်စရာ Babe ကလွဲရင်မရှိဘူး
ပြီးတော့...."
တစ်ယောက်တည်းစကားတွေဆက်ပြောနေမိသည့် လွှမ်းနောင်စစ်သည်
ငြိမ်ကျသွားတဲ့ Babe ကို လှည့်ကြည့်လိုက်သည်။
Babe သည်သူပြောတာတွေမကြားတော့ပဲအိပ်ပျော်သွားခဲ့တဲ့ပုံပင်
" အိပ်ပျော်သွားပြီပဲ"
ချစ်ရသူရဲ့ နဖူးလေးကိုခပ်ဖွဖွနမ်းရင်း
အိပ်ရာပေါ်နေရာတကျချကာ
စောင်ကိုလည်ပင်းနားထိလွှမ်းခြုံပေးလိုက်သည်။
သူမခေါင်းလေးတွေအောက်ရောက်နေတဲ့
သူ့လက်တွေကိုအတက်နိုင်ဆုံးညှင်သာစွာဆွဲထုတ်လိုက်တော့ ရေဗက္ကာဟာ အနည်းငယ်လွန့်လူးလာခဲ့သည်။
" အိပ် အိပ် babe.... ကိုရှိတယ်"
ခေါင်းလေးတွေကို အသာအယာပုတ်ပေးတော့ သူမရဲ့မျက်နှာလေးဟာ အပူပင်မရှိပြန်အိပ်မောကျသွားတာမို့
သူဟာ ငေးမောရင်းပင်ရောယောင်ပြုံးမိတော့သည်။
YOU ARE READING
Our Dirty Little Secret
RomanceDescription ရေးရင် spoiler တွေပါမှာစိုးလို့မရေးတော့ပါဘူး ဒီ Fic လေးမှာ ML နှစ်ယောက်ပါမှာပါ Mature on ပြီး Adult Scene တချို့ပါဝင်တာမို့ Sensitive ဖြစ်လွန်းသော Innocent လွန်းသော အပြစ်ကင်းစင်လွန်းသောဘေဘီလေးများနဲ့ GEEK ကြီးတွေလည်းကျေးဇူးပြုပြီးကျော်...
