ကိုယ်ပိုင်တဲ့နေရာ (Complete) Uni & Zawgyi❗

Part 8

Unicode

ဒီရက်ပိုင်းအတွင်းမှာ မာန်, ပန်းတိမ့်အား ရှောင်လို့ရသမျှရှောင်နေမိ၏။ သူဖြေလျော့စဉ်က ကိစ္စကိုပြန်တွေးတိုင်း မျက်နှာပူသလို အားနာသလိုဖြစ်နေ၏။ သူတို့ကအခုဆို ရုံးချုပ်မှာ ထိုင်နေပြီဖြစ်သည်။ မာန့်အခန်းရဲ့ နှောက်ကျိကျိမှန်ကတဆင့် ပန်းတိမ့်အခန်းရဲ့ လှုပ်ရှားမှု ပုံရိပ်တွေကိုမြင်ရ၏။ ဒီညနေ စိတ်ပြေလက်ပျောက် သူသုန်နဲ့ချိန်းထာသည် သူဒီကိစ္စကိုလက်ခံရမှာ မယုံနိုင်သေး။ ညနေရုံးဆင်းချိန်ရောက်‌တာနဲ့ သူထွက်သွားတော့၏။ ဒါကိုတွေ့တဲ့ပန်းတိမ်ကလဲ စဉ်းစားနေသည်။ အာသောကဒီရက်ပိုင်းသူ့ရှောင်နေတာသူရိပ်မိ၏။ ထမင်းလက်စုံစားပြီးမှ ဒီလိုဖြစ်တာဆိုတော့ သူတို့အိမ်လိုက်သွားတဲ့နေ့က အမှားတစ်ခုခုများ လုပ်မိလို့လား စဉ်းစားရတာအမော။

ပန်းတိမ်ရုံးကအပြန် ကြက်ကြော်ဆိုင်ဖြတ်သွားတော့ မေမေ့အတွက်ဝင်ဝယ်လိုက်သည် မေမေကဒီဆိုင်က ကြက်ကြော်ကို ကြိုက်၏။ သူ့အလှည့်စောင့်နေတုန်း ဟိုကြည့်ဒီကြည့်ကြည့်လိုက်တော့ သူ့ဘက်နောက်ခိုင်းထိုင်နေတဲ့ ရုံးကအပြန်အဝတ်အစားနဲ့အာသောမာန်ကိုတွေ့လိုက်၏။ သူထပြီးသွားနှုတ်ဆက်မယ်လုပ်ပြီးကာမှ ပြန်ထိုင်လိုက်သည်။ သူ့ကိုရှောင်နေတာ ဘာကြောင့်မှန်းမသိပေမယ့်အခုက သူ့ရှေ့မှာ ကောင်မလေး ရှိနေတယ်မလား သူများကြည်နူးနေတာတော့ သွားမနှောက်ယှက်ချင်။ ကောင်မလေးနဲ့မျက်လုံးချင်းဆုံသွားတော့ သူရယ်ပြလိုက်တော့ ကောင်မလေးကလဲ ပြန်ပြုံးပြ၏။ ပန်းတိမ်ကတော့ သူ့အလှည့်ရောက်လို့ ပါဆယ်ရပြီး ဆိုင်ထဲကပြန်ထွက်သွား၏။

"မာန် ဟိုအစ်ကိုက မာန်တို့ဆီမှာ အလုပ်လုပ်သေးတယ်မလား"

ဖုန်းထဲကဘာကိုကြည့်နေလဲမသိတဲ့ မာန့်ကိုသုန်ကမေးလိုက်၏။

"ဘယ်အစ်ကိုလဲ သုန်"

"ဟိုတစ်ခါငါနဲ့ဆိုင်မှာတွေ့တဲ့အစ်ကိုလေ ပန်းတိမ်ဘာဆိုလဲ"

"အော် ဟုတ်တယ် ဘာဖြစ်လို့လဲ"

"သူ ငါ့ကို နင့်ချစ်သူမှန်းသိတယ်သလား၊ အခုန ဆိုင်ထဲကထွက်တော့ ငါ့ကိုရယ်ပြသွားတယ်"