خسوف ( بقلم آية العربي )

اقتباس

ابعد ايدك دى عنى متلمسنيش .

ظلت يده معلقة فى الهواء لثوانى ثم سحبها يغمض عينه ويهدأ من روحه المستنزفة ثم تنهد بقوة ووقف يطالعها بعيون مترقبة وصمت .

نظرت له بقهر وتابعت حديثها الغاضب مردفة _ متحاولش تحسسنى ان جوازنا حقيقي لانى بقرف ... بقرف من كل حاجة هنا ... الوضع ده انا مجبورة عليه وعمرى ما هتقبله ... ولا عمرى هسمحلك تتمادى معايا ... انت كنت من شهر بالنسبالي عمي بدر صاحب بابا اللى بحترمه وبحبه ... بس بعد ما وافقت ومضيت على العقد الباطل ده وانت بالنسبالي انسان استغلالي بكرهه .... ولا يمكن هتقبل وجودك فى حياتى ... واوعى تفكر انى ممكن اتهاون فى كدة او هيجي يوم واتقبلك كزوج ليا ... لا يمكن .

فارت الدماء فى عروقه التى برزت بقوة آثر غضبه من حديثها وتطلع عليها بعيون ضيقة سوداء يردف بقوة ليرد من كرامته المهدورة _ اسمعى كويس يا بنت الناس ... مش انا الراجل اللى يستغل اى واحدة علشان رغباته ... ولا انا المراهق اللى يفرح بعقد جواز كان اساسه غلطة ... انتى كنتى بالنسبالي بنت الراجل الوحيد اللى وقف جنبي وساعدنى فى غربتى ... الراجل اللى فضل ورايا لحد ما وقفت على رجلي ... علشان كدة وافقت على طلبه علشان انقذ سمعته اللى انتى مفكرتيش فيها .

كل اللى عملته وبعمله ده لانى بحاول اكون متفهم ... بس من بعد كلامك ده حتى لو روحى فيكي مافيش بيني وبينك غير الورقة اللى عليها امضتنا واللى انتى بتقولي عليها عقد باطل ... ووعد منى وقت ما تعرفي ان الطريق اللى كنتى ماشية فيه غلط وتبدأى تفكرى بعقلك ساعتها انا هحررك من العقد الباطل ده .

تركها واتجه مسرعاً لغرفته التى ما ان دلفها حتى اغلق بابها بقوة جعلها تنتفض مكانها ثم القت بجسدها على الاريكة بقوة تجهش فى نوبة بكاء جديدة .

اما هو فظل يجوب فى الغرفة بغضب من حديثها الذى استفزه واستفز رجولته ... يعلم ان زواجهما كان بالاجبار لكليهما ... يعلم انها ليست تلك الفتاة الهينة ... يعلم انها مراهقة وهو بالنسبة لها مسن بالرغم من مظهره الجذاب وملامحه الوسيمة وعمره الذى لم يتعدى الثامنة والثلاثون الا ان احلامها مختلفة ... نعم يتفهم ذلك ولكن كلماتها كانت قاسية على قلبه الذى يكن لها مشاعر مدفونة احتاج هو لقوة جبارة حتى يستطيع كتمها والاحتفاظ بها داخل صميم قلبه ...

#خسوف
بقلم #اية_العربي
موعدنا بعد عيد الفطر ان شاء الله وكل عام وانتم بالف خير