خسوف ( بقلم آية العربي )

الجزء التاسع

        بسم الله ولا حول ولا قوة الا بالله العلي العظيم

وَلَقَدْ نَعْلَمَ أنّكَ يَضِيقُ صَدْرَكَ بِمَا يَقُولُون فَسَبّحْ بِحَمْدِ رَبُكَ وكُن مِنَ السَاجِدِينْ واِعْبُد رَبُكَ حَتّى يَأْتِيَكَ اليَقِينْ .

الجزء التاسع من رواية 🌑🌙 خسوف 🌙🌑

بقلم آية العربي

   قراءة ممتعة

ها هو قلبي يحترق بالنار التى اشعلتها انا

هل يكفيك هذا العذاب واستئصال الروح لتغفر !

&&&&&&&&&&&

عبرت قمر الرصيف بقلبٍ ممزق وهى ترى ابتسامة النصر على شفتيه وملامحه التى لاول مرة تلاحظ قذار*تها .

وصلت اليه ونظرت له تردف بتهكم وغضب _ فين الميمورى اللى عليه الصور ؟!.

نظر لها بخبث واردف وهو يشير الى سيارته بيده  _ طيب اركبي الاول يا بيبي ... مش معقول هنتساوم هنا ع الطريق !.

نظرت له بكره ثم لفت للجهة الاخرى تستقل السيارة كذلك هو .

تركت بابها مفتوح ونظرت له بكره مردفة _ ازاي كنت عامية وغبية وصدقتك ... ازاااي ؟! ... ازاي وثقت فيك ومشوفتش حقيقتك طول الفترة دي كلها !! ... انت ايه يا اخى ... بتعمل ليه كدة !

ضحك يطالعها بشماتة مردفاً بغل واشمئزاز _ مرض !!! ... انا مريض ومهووس بصور البنات الحلوة ... شوفتى ! ... ادى جزاء اللى ميسمعش كلمة بدورة يقولها .... وده يثبت لك انى ممثل بارع ... ده انا حتى بفكر اقدم فى دور بطولة ... بس تعرفي شهادة حق ... انتِ اكتر واحدة تعبتيني طول السنتين دول ... كل البنات اللى عرفتها وقعوا من اول شهر الا انتى ... دوختيني اوى وكنت خلاص قربت من هدفي بس جه الكل*ب اللى اسمه بدر ده ولحقك ... بس بصراحة تستاهلي السنتين اللى ضيعتهم معاكى .... لأنى قدرت افوز بقلب قمر الفوى ... اللى شباب المنصورة كلهم يتمنوا نظرة منها ... بس طبعاً خالد الوزير طماع شوية ... مش عايز نظرة ... عايز لمسة .

لم يكن منها الا نظره كره واحتقار ثم قامت بالبصق على وجههُ بقوة فتفاجأ واغمض عينه يمسح وجهُ بظهر يده .

فتح عينه واشار بيده يحركها مردفاً بغل وغضب وتوعد  _ هاتى الموبايل اللي معاكى .

احتضنت حقيبتها واردفت بجسد مرتعش _ هات صورى كلها الاول .

اومأ يردف وهو يتطلع على باب السيارة بخبث _ تمام اقفلي الباب .

نظرت له بخوف ثم هزت رأسها واردفت بجرأة مزعومة _ مش هقفل ... قلتلك هات الصور كلها اللى معاك والا مش هيحصل كويس .

ضحك بخبث ثم اخرج من جيبه هاتفه واداره امام وجهها يردف بغل وتوعد _ شوفي ! ... ضغطة واحدة وصورك كلها هتنزل حالا ع النت ... يعنى انا هنا اللى بتشرط من انتِ ... ولما اقولك تقفلي الباب يبقى تسمعى الكلام يا حلوة .