خسوف ( بقلم آية العربي )

الجزء الخامس والثلاثون

        بسم الله ولا حول ولا قوة الا بالله العلي العظيم

وَلَقَدْ نَعْلَمَ أنّكَ يَضِيقُ صَدْرَكَ بِمَا يَقُولُون فَسَبّحْ بِحَمْدِ رَبُكَ وكُن مِنَ السَاجِدِينْ واِعْبُد رَبُكَ حَتّى يَأْتِيَكَ اليَقِينْ .

اابارت الخامس والثلاثون من رواية 🌑🌙خسوف 🌙🌑

بقلم آية العربي

قراءة ممتعة

&&&&&&&&&

ف الاسفل جاء محمود مع اخته بعدما ترك سيدرا النائمة في امانة شيماء .

فتحت لهما ريحانة تستقبلهما بترحاب وتوتر فدلفا سوياً وجلسا فوقفت هى تستند على عصاها مردفة _ شو بتحبوا تشربوا .

وقفت ام محمد تردف بترقب _ تعالى اقعدى انتِ اتكلمى مع محمود وانا هجيب المشروب واجى .

اجلستها تحت دهشتها واتجهت هى للمطبخ بينما توترت ونظرت لمحمود بترقب مردفة _ وينها سيدرا !.

فرك اصابعه بتوتر من رهبة الموقف ومن وجدوها امامه ثم اردف _ في البيت نايمة .

اومأت بتفهم ثم اخفضت بصرها ارضاً بينما هو اردف يستجمع الكلمات ولكن انطلقت فجأة  _ بصراحة انا جاي اعرض عليكي الزواج .

رفعت نظرها اليه بصدمة فتابع يومئ _ انتِ عارفة ان ده طلبي من فترة وكلمت شيف بدر بس هو مردش عليا ... ده غير ان سيدرا محتجاكى معاها جداً ... انا عارف حكايتك كلها من اختى وهو ده سبب تمسكى بيكي ... يعنى انتِ اي حد يتمنى تكونى من نصيبه ... انتِ انسانة جميلة في كل شئ وانا وبنتى فعلاً محتاجينك في حياتنا .

عصف قلبها الهش ونظرت له بتعجب فتابع يبوح _ فكرى كويس تانى وتالت ... ولو حتى علشان خاطر سيدرا ... انا موافق ... انتِ وبنتى بتكملوا بعض  ... هى بتحبك جدااا ومش عايزة غيرك في حياتها ... فكرى فيها وصدقيني عمرك في لحظة ما هتندمى لو وافقتى .

رفعت نظرها اليه تطالعه بعمق ثم تذكرت امراً فتسائلت _ قلت حكيت مع بدر ! .

نظر لها بحزن ولكنه اومأ يردف بهدوء _ ايوة كلمته ... وقلتله يعرفنى قراره بس هو متكلمش معايا في الموضوع ده تانى ... وبصراحة انا قدرت موقفه وعارف ان كلامه في موضوع زى ده مش سهل بحكم انكم كنتوا متجوزين ... بس انا كان لازم اتكلم معاه بما انه ابن عمك .

شردت تفكر قليلاً ... اذا بدر على علم بطلبه ... تنهدت بعمق ونظرت لمحمود تستمع لكلامته الا ان انتهى فقالت بترقب _ تمام استاذ محمود ... انا موافقة .

قالتها فجاءت ام محمد من مطبخها تطلق زغروطة افاق عليها محمود من صدمته وتسائل مجدداً _ قولتى ايه !!!

نظرت له ثم نظرت لام محمد ورأت الفرحة في عيناها فالتفتت عائدة له تردف بتنهيدة وعمق _ موافقة اكون امها لسيدرا .