( قصة مطرة )
مطرة . رجعت من الزيارة وخابرت ناصر يجي بليل وي نومة اهلي وانطي صوغته من الباب
وبالفعل اخذهه وراح
..
بعد يومين . والحرب گبت لان رحاب شمت نفس العطر البيه عند ناصر وشافته ع مرايته وكالتلهه حنان هذا عطر مشتريه ناصر
بس رحاب اتخبلت وزرعت الشك براس حنان
رحاب . ولج انتي فقيرة يستزوجونج مطرة وناصر والله هذا مطرة جايبته من زيارة وهذا عطرها المفضل وجايبه مثل الهه ولناصر
حنان . معقوووله تعبت تعبت يرحاب احجي وي ناصر يتحلف ماكو شي وانا مااريد اخسر نجمة واسوي مشاكل وي مطرة تعبت من القلق اليعيش بداخلي
رحاب . والله الا اطيح حظها هاي الگـ،،،،
حنان . رحاب فدووة فكيني من المشاكل بس يدري ناصر يطيح حظي
رحاب . وانتي لشووكت هجي خايفه واجهي وطيحي حظه
حنان .. اكلج انا اريد الستر اسكتي فدوة
ـ،،،،،،
مطرة
بليل ولن رحاب جايه وصاحتلي انا ومهرة
رحاب . مطرة شنهو العطر الجايبته لناصر
مطرة . شنهووو عطر عطريش
رحاب . والله اسألج مو تسأليني . عطر الشيخ زايد واعتقد هذا عطرج واكيد صوغه من كربله لو هجي الصدفه صارت سوه
مطرة . شوفي رحاب انا تعبت منج ومن اتهاماتج كل فترة جايبتلج سالفه اعتقد مو بس انا اخلي من عطر الشيخ زايد واحنه هسه ابد محد جايب مثل عطر الثاني انا زفت وين شايفته وشالمناسبه اجيبله ؟
رحاب . مطرة ذني سوالفج مو عليه واذا حنان فقيرة وتعبرهه السالفة ماتعبرني بس مااكول غير حسبي الله ونعم الوكيل.
مطرة .. رحاب انا لا عندي شي وي ناصر ولا ادري عنه ولاتتحسبين عليه ولا تظلمين بختج خوش
رحاب . خوش ياخبر اليوم بفلوس باجر ابلاش
طلعت رحاب دارت وجهه عليه مهرة
مهرة . شكوو شنو هالموضوع
مطرة . شكوو يعني ماتدرين بسويدة رحاب كل فترة گابه عليه الله ماتخاف شالعه الجو عبالك هي مرت ناصر الگبر حتئ الگبر
ـــ،،،،
مرت الاشهر .. ومهره حملت ويافرحتنا بحملها من بعد اربع سنوات
وانا مخلصتهه بس بالاعراس والمناسبات وروحي تحترك من الحجي الاسمعه
ها شوكت تزوجين
صدك انتي لابن عمج
هااا سمعنا ناصر خاطبج كل هالامور تعبتني
من غير انا اتمنئ اشوف نفسي عروسة حالي حال اي بنية وجاي اشوف كلهن ازغر مني ويتزوجن وانا باقية بس احضر اعراس
وارجع اضغط ع ناصر ومرات اعصب عليه وابجي واكوله انت شنو تضحك عليه دخلنه بسنة 2013
ــ،،،
مطرة .. كافي كافي ناصر العمر يركض راح تروح زهرة شبابي شنو ذنبي بس ضاله للحجي والتجريحات
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
