مرحبا بنات .. اليوم نبلش البارت الأول من قصة مطرة
وراح يكون يوم نشر ويوم استراحة ،،
يله تعليقاتكم ورأيكم ان شاءالله تنال اعجابكم🌹
البارت 1
كاظم..
بويه ، جبار ، هادي اريد ازوجكم بنات اخوي سند
تدرون بيه ماريد اريد الغريبه وماكو وي ابنيات اخوي العزيز
هادي .. بويه انت تدري بيه اريد نجمة حي عالصلاة واليتجرئ ع خطبتها اله مني طلقه
جبار . بكيفك بويه التريده سويه
كاظم .. هذا هو بويه ان شاءلله باجر نروح لعمكم سند ونخطب رحمة لجبار ونجمة لهادي
شتكولين يأم جبار ..
ام جبار . انت تفصل واحنه نلبس يكاظم وين احصل مثل بنات سند
كاظم.. بويه وين اخوتكم حامد وهزاع
نادوهم ونادو اخياتكم مناير ومديحة خلي نتعشه
كاظم .. بويه ام جبار شلونه حملج شكثر الج
ام جبار والله يبو جبار ذني ايام
حمد الله كريم
ــــــــــــــــــــــــ
سند .. ها بويه عذبة شلونج
عذبة . هلا بيك يبو حمدان
سند .. وين البنات
عذبة .. غاد .. ولج رحمة نجمة ايمان حنان تعالن وجهزن العشا بسرعه
رحمة . ان شاءالله يمه . نجمة كومي وياي
نجمة . روحي وانا الحگج
رحمة . نجمة گومي وياي وبطلي سوالفج ادري بيج تشردين
نجمة . والله بردانه مااكدر نادي ع ايمان
رحمة . الله اكبر ايمان مو جانت بالغنم خطية
نجمة. يبووو هسه شنهي غنم وضيم ليمته نرجع من السعودية ضاع ضيمها مليت من الخيم
رحمة . باجر اخلي ابوي يبنيلج قصر بالسعودية وقصر بالعراق شتردين
نجمة .. اااالله ااالله واكمل دراسة ومااشوف وجه هادي
رحمة .. اي اي عود مناك من نرجع العراق نشوفلنه مطرب ونزوجج اله شرايج
ايمان .. اكلجن تسون عشا لو لا
رحمة . اجت المخبله .. هههه اي گمنا
ونادي اخوتي حمدان وسلمان
ــــــــــــ
سعد .. بويه فاطمة شلونه فلاح
فاطمة . الحمدلله زين
سعد . ديري بالج ع روحج وهانت ماضل شي وتولدين بسلامة
سعد .. يله انا رايح لاخوتي كاظم وسند شويه وراجعلج
فاطمة. اخذني وياك لام جبار اشوفهه
سعد . تعالي هو شبر ابينا اخيامنه
ــــــــــــ
سعد .سلام عليكم شلونك يبو جبار
كاظم . هلا بخيي شلونك يبو فلاح الله جاب
سعد . خيرك يخوي
كاظم . والله يبو فلاح اريد اخطب بنات اخوي سند لولدي لجبار وهادي
سعد .. هاي ساعة المباركة يخوي وين تحصل مثل ابنيات اخونا سند يله امشينا نروح نخطب
وگامو وراحو لبيت ابو حمدان يخطبون
ــــــــــــ
سند. بويه حمدان شوف ياهو الاجانه
حمدان . بويه ذوله عمامي ابو جبار وعمي ابو فلاح
سند .. ياهلا ومية هلا بالاعزاز
..
كاظم وسعد . دخلو سلموا وكعدو
..
حمدان .. رحمة نجمة وحدة منجن تسوي جاي لعمامي عدنا
نجمة ورحمة .. ياهلا بالاعزاز هلا بعزيزي عمي سسعد عدنا يافرحتنا
نجمة . بس كون جايب كتاب القصص ويسولفلنه
رحمة . لا لا اليوم خلي يحجلنه عن اهل البيت. ع. حلو من يحجي عن معركة الطف
نجمة .. شيحجي خلي يحجي هي الكعدة وي عمي سعد ماتنمل الله يطول بعمره
.
اجه حمدان واخذ الجاي
ابو جبار . الله بالخير يخوي شلونك
ابو حمدان . هلا بيك يبو جبار حياكم الله
ابو جبار . والله ياخوي انا جايك وطالب النسب واريد بنياتك لاولادي اريد رحمة ونجمة لجبار وهادي
سعد . اي والله يبو حمدان ولو نجمة تصير لهادي المسودن هههه بس يله يكبر ويعقل يله هسه عمره 16
ابو جبار . ها يخوي جا جبتك عون لو فرعون. هادي معدل ولونه عصبي بس يكبر ويعقل
سند . هههه والله هادي ماظنتي يعقل صح ماكو مثله معدل وابو غيرة وشاغول ويطلع حگه من حلگ السبع .
ان شاءلله ماكو اشكال اشوف البنيات
…
سعد اني رايحلهن
..
سسسعد .. ها يجويج خويه ام حمدان
عذبة . هلا هلا بسعد شلونك خويه
رحمة . نجمة . هلا هلا بعمنا ورفيج عمرنا شلونك يبعد الروح
سعد . هلا بيجن بويه هلا بعزيزات كلبي االيوم جايجن خاطوب لاولاد كاظم
عذبة .. شنهوووو والله من شفتك ماشفت الخير شو لوحدكم تصرفون اني گرب العمام كله مااريده وينه سند يسسسند
سعد . انعم الله عليج يأم حمدان مقبوله منج بناتج عندج لا حاط السيف ع ارگابهن ولا جبرتهن
يله بويه اودعناجن
رحمة. نجمة .. عمي عمي
رحمة . يمه ليش ليش تحجين ع عمي ليش وضلت تبجي
نجمة . هلا هلا انا افكر ارجع واكمل دراسه وتالي يخطبوني لهادي العفو الحالي
رحمة . نجمة انجبي وين نريد نطلعج دكتورة اخذنه شهايد السادس هذا هو يله اسكتي
.ــــــــــــ
كاظم وسعد كلمن رجع لاهله
وبيوتهم خيم بالسعوديه كلمن خيمته قريبه الثاني
ــــــــــــ
عذبه . ها يسند شعده كاظم عرفته يحوم ع بناتي يريدهن لاولاده
سند . وشبيهم ولد اخوي اذا البنات راضيات
عذبه . سند فكني من كاظم وفروخه تره روحي طالعه وما احمل مرارتهم
سند . بويه يرحمة نجمة عمجن اجه وخطبجن مني شتكولن سسسكتن
..
اعتبر سكوتجن موافقة
سند . بويه عذبه استهدي بالرحمن وخلي البيات يمشن بنصيبهن وولد اخوي احسن من الغريب
عذبه . والله خايفه يسند ال كاظم تعبين ويتعبون بناتي بس اكول. الله كريم
يتبع
الكاتبة :: رسل محمد
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
