بارت 41 ( قصة مطــرة )
مرت الأيام نفس المعآناة كل يوم اليمر واني اشوف سالفة خطبتي لعلاء انست انقهر
حسبالي علاوي يرجع يخطب هو واهله والسالفة حالة لكن مرت الايام وماكو شي
ــ@@@
عطلنه ونجحنا للمرحلة الثانية وكملت 4 اشهر عطلة وماكو شي
ودائما اخذ خيرة يكولون اكو اعمال شيطانية موقفه قسمتج وهاي مجرد اسباب بسيطة التمنع اتمام الخطبات التجيج
بسيب توقيف قسمتج
ــ@@@
مطرة ،، يمه خلي اعالج ع سيد علوية انا مريضة مرضتني الأعمال
امي / اهووو هم سادة ومطاوعه كلها جذب ونصابة ودجل وبسب ياخذون فلوس
مو اخذناج لسيد منعم بالناصرية شسووه هاا
مطرة / صرت فترة زينة بس يمة والله الأعمال تجدد قابل كلها متواصية نفس الخيرة ونفس الحجي
امي / علگولتج يجدد احنه نعالج ونسحب السحر واليكرهنه يرجع يجدد ولشووكت هاا
وبعدين كذب المنجمون ولو صدقوا جذب اكثر ماعدهم يكولون مجدد واكو سحر جا شيگلولج
مطرة / يمه ليش تحرگين روحي قابل جذب ماكوو سحر شدمرني غير بت خالج نجاة ها
منو اله مصلحة يدمرني
وهي تدري كل مااعالج تدري لان بيتنا مثل بيت الكاولية مابي سر الينحفظ تعبنا ملينا منو بينا مرتاح
انتي لو قاسم لو انا لو حمودي لو مهرة ذيج التكتم سكته
بيتنا معشعش اسحار بسبب طيبة گلوبكم فاتحين لأحبابكم انتي وابوي ضيعتونه بطيبتكم
امي / جا شنسوي اطرد تره بس الگرايب تتلافاني
عساهه بحظه وابخته كل من دمر بيتي وعايلتي بس هاي الأگولهه
ــ@@@
انا رحت وعالجت عد ام حسين رغم مااحبهه بس شسوي علاجهه مضبوط وفعلا تسحب العمل
طاح حظها كله بسببهه طيرت اهل علاوي
مطرة / شلونج ام حسين بعد كلبي انتي تعرفين وضعي وتعرفين قصتي ودائما تاخذيلي خيرة وتعرفين ضيمي اريدج تعالجين وتسحبين العمل الموقف قسمتي والله بس يخطبني علاوي من المهر اجيبلج فلوس علاجي
ام حسين / لا مطرة شلون هاي علاجات غاليه مااكدر اطيني نص اقل شي والخاطرج راح اعالجج ب130
مطرة/ زين راح ادبرلج الـ30 والمية ان شاءلله من المهر
ام حسين / بس صدكي وثقي بالله انتي تصيرن لعلاوي وخلي يموتن قهر اخواته
وداعتج بالخيرة تطلع ذني غيرانات منج شافنج حلوة واحلئ منهن كتلتهن الغيرة
وتره يشتغلن بالسحر ذني مو راحة
ــ@@@
مطرة / شلونك علاوي شخبارك حبي
علاوي / تمام يبعد روحي انتي شلونج
مطرة / شلوني انتظر كل يوم التبشرني بموافقة اهلك
علاوي / اوووف اووف العن ابو الحظ فدنوب ذوله شادين وبسبب صابرين وعفاف
وكل يوم اتعارك وي امي وصابرين
وهاي عفاف مو موظفة كالت بس تزوج انا اساعدك بنص المهر واحنا عود ننطي 5 والتجهيز مال الغرفة
علينه بس انتم لو من خابرتكم موافقين تامة الخطبة وجاية المشية
مطرة / حبي قصدك الغرفة مال النوم والتجهيز وكلشي انتم تجهزونه و5 بس ذهب وملابس انجان هجي هي هي احنه من نكول عشرة او 8 لان كلشي عالعروسة هيج عاداتنا
بس عفاف مافهمتنا من خابرت امي كالتلها احنه لو 5 لو 4 لذلك امي كالتلهه الحجي يم ابونا يم الزلم وفعلا يم ابوي
اووف هو الحظ مصخم وداعتك
هسة اخواتك هنه من اجن بالخطبة ممقتنعات
أنت تقرأ
مطّرة
Fiction généraleمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
