( قصة مطرة )
مطرة ، 😱😱😱 شنووووو ليشششش ليييش ناصر ليش تفضحني صخام الصخمني
يعني لزمت دليل بأيدهه ليش يناصر هسه اني بالثواني امسح شاشة جهازي
حتئ ميبقئ اثر للرمز
وبعدين ليش ماكو رمز عالواتساب
ليش ماحافظت عليه هذا الأمان التگـلي عنه أمني وأمني😭
من تجيني خالتي وتحاجيني شگلها جذب؟
بس فهمني موتت حيلي والله
ناصر . ماادري ماادري دين ماضل براسي
شلون نسيته شلون والله محافظ عليج بس بعد نسيته ولسوء الحظ كدرت تفتح الجهاز
مطرة ، وتالي هم حاجتك شگالتلك ؟
ناصر ، گتلهه حنان من الأخير انا اريد مطرة وسبق وفهمتج تره ماكو مره تاكل مره وحجيت وقنعت شگـد واقتنعت وسكتت
مطرة . واذا حاجتني شگلها ؟ اگلها اي احب رجلچ واريده
ليش يناصر تحطني بهالموقف ليششش؟
ناصر ، اگلج اليش ماتنفع جا شسوي . انا حذرتهه كتلها مااريد حجايه تطلع ويضلن اخواتج يلعلعن تره تخسريني بهالحالة
مطرة . الله اليستر حبي اني هم مااريدك تضغط عليها بتهديد مو من صالحنه
ناصر . ماعليج اطمئني حبيبتي
مطرة زين حبي اكو علوية تسويه حرز محبة وهداية شرايك نروحلهه بلكي الله يهدي المعارضين النه احنه ممأذين احد شو خلصت عمري الناس تأذيني
ناصر ، تمام حبي شوفي شتطلب انا حاضر
مطرة ، هذا هو هي هاي عن طريق صديقتي رقية واختها بنات حكيم
ـــ@@@
روحه من روحاتي لمدرستي بالمحافظه وهاي المراه التعرفها ازهار اخت رقية هم بالمحافظه
رحنا عليها
واتفقت وياهه وهم ازهار عالجت عدها علمود جهال كالتلهه عندج تابعه
انا شغلي صار ب2500
واتفقت كالت من اكمل جيبي حتئ لو نص
رجعت واتفقت وي ناصر وكال ابشري واني اعرفهه هو گدها ومايخذلني .
ــ@@@
بيت هادي ،
ام قاسم . ياربي بعد عيني عينك شنو السويته بحياتي وتجازيني بهذا المريض شلع گـلبي نزار
تعبت وين يعيش بهالمجتمع الفاشل
مهرة . كولي يالله يمه جا شتسوين هذا امر الله
مطرة . لونج ماشيه بدرب السحورة وسوالف الاعرفهن ماانطاج الحمدلله والشكر ياربي
المؤمن مبتلئ يمه اصبري والج أجر بهالصبر
ــ@@@
مرت الايام وبلشت ادرس سادس ودرست بالمسائية بالمحافظة
اني بين فترة وفترة تجيني خطبة وماتتم سبحان الله لو اهلي يوافقون بي ويروح وميرجع لو اني ميعجبني او ميعجب اهلي
واني بگـلبي ادعي ماتتم ويصير الرفض من اهلي حتئ محد يسأل ليش رفضتي
من غير كل التشوف امي تنقهر علينه
خطيه ليش مهرة وسجئ هاي قسمتهن وعد ال سعد شنو هم ولد ال سعد وممرتاحات
وينقهرن ع حظي ليش ماصارت قسمتي لابن عمي ومن هالكلام الميخلص
بلشت درس وشديت حيلي اريد ارفع راس امي وابوي واريد احقق حلمي واتوظف الي شمات واني الوحيدة بالعشيرة ادرس
والحمدلله الدراسة سهله ومنا اني عايدة سنة
اسلوب مدرسات المسائي كلش حلو
ــ& &&&
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
