( قصة مطرة )
مطرة
ومرت الايام وتمت خطوبة زينه من مهند ابن عمتي
جابتلهه عمتي عبايه وحلقة قيمتها مية الف مجرد بس نيشان وزينة من الفرحة عبالك مو عباية وحلقة بس تريد المهم تصير سالفتهه
وكالولهم انتظرونه نبني غرفه فوك السطح يسون دور ثاني ويزوجونهم ويراد وقت لان ابوهم متوفي الولد
ــ،،،،،،
طبعا زينة وعنود اخوات صلاح كلش قريبات مني وحاجيتلهن ع سر حياتي وعشكي لناصر
واهواي يساعدني
واذا رحت هناك لاجدادي ارتاح احصل شحن لجهازي واخابر ناصر براحتي
ـ،،،،
اما اخوي محمد هم حاط عينه ع عنود اخت زينة رغم صغره سنه وانولدت بداخله انو عنود اله
وعنود رافضه هالامر لان هم معجبه بأخو مهند
ـ،،،،
علاقتي بناصر كلش متعبة بضيم اخابره واراسلة واشحن جهاز تعبت قلق وخوف مو طبيعي
ــ،،،،،،
ام قاسم .. يمه قاسم شوكت اخطبلك وافرح بيك اريد ازوجنك بس أشرلي وگلي ياهي التريدهه
قاسم .. يمه شايل فكرة الزواج ابد مااريده
ام قاسم . ليش يمه جا انت غير كلت مااريد زينة ومنا لذاك الوكت اخطبولي بت عمي حامد وهسه بت حامد احديثه حلت لزواج خلي اخطبلك بنيت خالتك
قاسم . يمه صح كتلكم بس بعدني الحد هاللحظة مامقتنع بالزواج بعد وكت خلي اكبر اخوتي صفاوي ورضاوي ولاحگ عالزواج انا
ام قاسم . الله كريم
ـ،،،،،،
مهره ومطرة . هايمه شگال قاسم
ام قاسم . اووف اوف يريد لمن يزوج اخوته الحمدلله اخوجن معگود عن الزواج مبين
ـ،،،،،
مطرة
ومرت الايام بصعوبه لكن من ارجع والزم موبايلي واقضي الليل مراسلة
لو اتصال بصوت ناصي وي نصوري احس عايشة بجنة وفعلا اني بجنه عشت اجمل حب وعشق وكأني اميرةوملكة مدللني دلال بحبه
ـ،،،،،،
لكن بدت الأنظار تتحول اتجاهي من اخوالي وخالاتي والاقارب انو مطرة وناصر متعاشگين بس محد يتجرأ يواجهني لان ماكو دليل بس بين فترة وفترة تجي حجايه لامي
صدك ناصر خاطب مطرة
وامي تنكر شنو هالحجي هاي گالات الناس مطرة لصلاح لابن عمها
ومن تجي تضل تلومني ولج كله منج ماكو دخان بلايا نار خليتي اليسوة والمايسوة يحجي بهالحجاية وشما ترفضين صلاح الناس راح تكول الحجي صدك عدها علاقه
ناصر شعاجبج من فگره رجال شايب ومالگيتي غيره
من قهري اروح احجي وي ناصر واتعارك شوكت تسويلي حل تعبت شوكت اتسكت الحلوگ يناصر الانتظار يذبح وياريت مااسمع حجي
فوك حجي العالم بيه
فوك ضغط اهلي اني لصلاح
مااكدر اعيش وي اي شخص غيرك لو انت لو الموت
ناصر احبك تعرف شنو احبك اعشقك بجنون وحبك يمشي وي دم شرايين مااكدر اتخيل اكون لغيرك امووووت
ــ،،،،،
ناصر .. حبيبتي المطر والله ماتصيرين لغيري واروح فدوة لدموع عينج
بس اصبري اصبري تهون يعمري شوفة عينج حاليا الوضع مايسمح
وجاي امشي بخطواتي خطوة خطوة
والله انت الي الي حي ع الصلاة
ولج بدونج اموووت انتي كل دنيتي وانت ضحكتي وانتي كلشي بحياتي مصدگة اتهاون بيج وبعشگي الج شبيج اتخبلتي ؟
أنت تقرأ
مطّرة
Fiction généraleمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
