( قصة مطرة )
مطرة .. ومشت حياتي قسمين قسم عاطفية وعايشة بحب ناصر وجنونه بيه وجنوني بي ومرات اتعارك وياه وازعل ليش ميسويلي حل ومرات اقدر ظروفه واگوله انتظرك كل عمري
وباقين ع أنتظار لو سلفه لو سيارة وهم ماصارت سالفة السيارة
وكل فترة ابني احلامي ع سالفة لو مشروع يگولي عليه وتالي مايصير وامووت قهر
وقسم ثاني من حياتي هو احلامي بالوظيفة ع شهادة ثالث متوسط وماخليت كل فترة استنسخ مستمسكاتي واروح لاي شخص وهم اعيش احلامي وماكوو
حالتي الصحية جاي تسوء ودائما معتكفه بغرفتي وفراشي لا واهس ولا خاطر ولا شغل مثلا النحول والكسل ماخذني ،،
ــــ@@@
مطرة
مرت الايام والشهور وماكو اي نتيجة من علاج ام صابر لا طبت ولا شفت قسمتي انفتحت وكل مااخابرهه ماترد لو تنطي رفض وشلعت گـلبي
واحترگت روحي عالفلوس الأخذتهه
وحجيت وي ناصر گال خابريها وخوفيها وگـوليلهه ناصر بالأمن خلي ترجع الفلوس شنو تضحك علينه
وصدك خابرتهه وكتلهه واني بيه خوفه لأن ماأعرف شنو العواقب ع هالكلمة
گلتها بخوف وتردد
مطرة . الو شلونج خاله ليش ماكو نتيجة لا أني زينه ولا طبت ولا قسمتي انفتحت جا وين علاجج
ام صابر . والله عيني هذا العندي جا شسويلج الحگ العليه خلصته كلشي يم الله
مطرة . خاله بس ماجان هذا حجيج وگلتي طيبتج ع ايدي وبحيل الله اسحب العمل وتنفتح قسمتج وحتئ مو اني الدفعت الفلوس كلساع ناصر كال شو ماكو نتيجة
ام صابر .. اي يايمه عملج قوي مسواي عد صبي وانا سويته العليه
مطرة .اني بصراحه هم اخاف والله ناصر لعب لعب وگـال اذا متگدر وتگول صبي تضحك علينه والله ادز الامن لو ترجع الفلوس
ام صابر.. شنوووو يدز الامن بكيفه بايگته خلي يدزهم واني اعلمه
وسدت الخط
ــ@@
الوو ناصر
خرب ببليسك راح انفضح المراه لعبت فلك من جبت طاري الأمن شسوي الله ينتقم منها
ناصر .. انعل ابوها لابو الخلفها گـواده بت گـواد ختولي سافلـة
مطرة .. اوووووف ااووف
ــــ@@@
مرت الأيام والشهور والقهر والتعب زاد
واني درست الخامس الادبي والحمدلله شديت حيلي رغم تعبي وقهري بعلاقتي وي ناصر
واهل صلاح يردون يخطبوني اله فكرو بزواجه
لأن بهالفترة المضت
عمي حبار بنئ بيت لصلاح ولخالتي بنفس المنطقة بس بعيد عن بيتهم القديم
بيت كلش حلو وسيراميك وطبعا منطقتهم سحبولهه كهرباء واهواي تطورات صارت كهرباء وتلفزيونات وماي حار وبارد وتبليط
فالكل يگول جا شتريد مطرة رافضه ابن عمها
شو منطقتهم صارت مثل منطقتنه
وبس عد خالتهه وبنت بيت يخبل شكو رافضة
ـــ@@@@
مطرة . ابجي واحجي .يمه مااكدر لو شما يعدلون بهالمنطقه تضل جايفه وناسهه همج وماينعاش بيها لا هواها ولا مايها ولاشمسها ولا كلشي بيها يعجبني
يمة العيد نهار واحد من اروح تشوفين شلون يصوفر وجهي
افهموني وارحموني صلاح معتبرته اخو ومطقتهم مااكدر اعيش بيها مو هاي احلامي
انا منطقتي هاي ودي اطلع للاحلئ تالي تروح احلامي وطموحاتي بذيج المنطقه
مو اريد اكمل واتوظف اصير موظفه شيجيبني مناك لهنا ليششش يمة تظلموني ليشششش
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
