مرحبا بنات . طبعا اكو بنات دخلولي خاص وطلبوا ان انزل البارتات الاولئ نشر يوميا حتئ يصير تفاعل عالقصة .. وهسه نزلتلكم بارت انطوني رأيكم حبايبي
بارت 2
من قصة ((( مـطـرة )))
ام جبار . ها يبو جبار بيت اخوك ردولك موافقه لا .
كاظم .. يأم جبار يراد هم توصلين انتي لام حمدان وتحاجينهه ونشوف ردها
ام جبار . الله كريم يكاظم
ـــــــ
اما حياة سعد وفاطمة بس تدلع عليه
فاطمة .. سعد الحكني عندي طلوك خلي ام جبار تجيبني روح جيبها
سعد . يالله . رايح
ــــــ
خويه ام جبار تعالي فاطمة تطلك
ام جبار . يافلك خاف اروح اجيبها واطلگ انا ههه
روح لنجمة ورحمة وامهن خبرهن
..
سعد .. ام حمدان ام حمدان
رحمة . هلا عمي امي نايمة وماتسمعك
سعد . عمي رحمة فاطمة تطلك تعالن يمها اي عمي وراح رحمة ونجمة
ـــــــــ
وجابت فاطمة.
ام جبار . الحمدلله ع سلامتج يبت اخوي
فاطمة. الله يسلمج عمه
.ام جبار . اجاكم ولد صلاواة صلاواة
ركضن رحمة ونجمة وبشرن عمهن
سعد الف الحمدلله يارب
ورجعن البنات لاهلهن وسعد سمه المولود خالد
..
ايام قليلة وجابت ام جبار ولد وسموه مشاري
وعذبه هم جانت حامل وجابت بنيه وسموها وئام
..
وصارت تجهيزات عرس جبار وهادي
سند .. عذبه انا راح اتزوج بت عمي من اطينا بشاير بت اخوي كاظم لعمامي كالو الكم دلال وهسه دلال الي
عذبه .. شنهوو تاخذ دلال الزرگه يبوووووووو
وصارت المشاكل وكلساع عذبه محصلتلهه كتله
ــــــــ
وتم زواجهم ..
ونجمة وهادي اعمارهم 16
ورحمة وجبار اعمارهم 17
بس جبار ماعده ذيج الرغبه لرحمة رغم جمالهه
زواجهم تقليدي
اما هادي مجنون بنجمة
ـــــ
وبدت حياة رحمة ونجمة عد عمامهن تعب بتعب ويوميه شايلين لمكان مثل المهجرين
وهادي عصبي ع الزغيرة والجبيرة يكتل نجمة
وجبار . حياته باردة وي رحمة
وتعبن كلشش . وكل اليشوفهن يكول هذا الجمال عد اولاد كاظم .. لان اولاد كاظم ع كدهم
.
حبلت نجمة ..وجابت بنيه وسماهه هادي مهرة
نجمة . هادي شنهو اسم مهرة مو حلو؟
هادي . لا حلو ذني بنات امعزبنه الامير مهرة ومطرة
وان شاءلله التجي اسمها مطرة
نجمة .. هادي تحجي صدك شنهو ذنبهن بهالاسامي وراهن دراسه ومستقبل
هادي . اكلج تصمين حلگج وتسكتين خلفتي وبكيفي اسميهن ..
عذبه .ولج يمه نجمة اسكتي تردين الزلمة يبسطج وانتي نفسه استري عليه
ــــــــ
رحمة اتأخرت بالخلفه.
ام جبار حامل
نجمة .. هههه عمتي وياي حامل صارلهه 6 اشهر
رحمة . وليش اتضحكين حته امي حامل صارلهه شهرين
نجمة .. ههههههه والله شحلات الوكت العجوز وبتها والعجوز وجنتها يحبلن سوه
ــــــ
مرت الايام وجابت عذبه ولد وسموه عابد
وام جبار جابت بت وسموها شجون
/////
سعد .. تعبنا من هالعيشه شوكت نرجع للعراق ونستقر ببيوت اتبهذلنه احنه وعوائلنه الله اكبر هذا الضيم كله ع هالعيشه الاكشره
.
نجمة . اي والله يعمي نرجع شحلاته العراق ونرجع نشوف اخوالي وبنات خالي رحيم
أنت تقرأ
مطّرة
Fiction généraleمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
