( قصة مطـرة )
بدت حياتي بالمعهد واني اشد ع روحي لازم ادرس وانجح
ولازم اخذ الحذر بهذا المكان اهم شي سمعتي
وسمعة اهلي وابد مااكون فريسة للنفسيات التعبانة
ومستحيل انعجب او احب كافي شحصلت من الحب اني بس التعب والعذاب
اعجابي بـ ياسر شي عادي مجرد شقا مرات بالكلام وي حور وميامي
بس ياسر كلش نظراته واكثر المواقف توحي هو معجب بيه
واهتمامه يوم بعد يوم يزيد ،،
اكو بنيـة من منطقتي وايضا اداوم بالمعهد وتجي وياي بالخط اسمها زينب ضخمة والكل يشاقه وياهه يكلولهه خاله
فگمت اجي يمها وندخل للمعهد ونطلع سوه
تجيت وشفت واحد يم زينب ودائما اشوفها يمها اسمه علاء
وبعد شكم طالب كلهم يعني زملاء زينب
اني اجي اسلم واروح مااحب اوكف وياهم لان هيج منظر يجيب سمعة مو حلوة للبنت
واني احاول قدر الامكان مااجيب اي كلمة مو حلوة بحقي وحق اهلي ،،
ــ@@@
مرت فترة شهر وسوينا حفل تعارف واني كتبت شعر عن البنية وعفتها واحتشامها او خفتها
ومن هالقصيدة لفتت الأنظار
الكل بلش يعزني ويحترمني بشكل
وبعدها سوينا كروب بالفيس واضطريت اسوي صفحة فيس سوتلياهه ميمي علمود ادخل بكروبهم وادرس
ــ@@@
وضعي بالمعهد الكل يحبني ويحترمني بشكل كبير
لان لبسي محتشم اسلوبي ثگيله وبعيدة عن الأمور السلبية
لذلك لفتت الأنظار بقاعتي من احترام ملابسي واحتشامي
كثير طلاب يحترموني ..
ياسر دائما يكلمني وابقئ بحيرة خاف احبه واتورط بحبه وانا بصراحة معجبة بي
اتمنئ اعيش قصة حب حلوة تنتهي بزواج
تعبت اريد استقر بحياتي واتمنئ اطلع من عالمي واقاربي
اتمنئ ينرفع راسي بقسمة حلوة وانطس عيون الشماته
وانطس عيون ناصر الباعني وبعثر سنين عمري فلسني من ابن عمي لو ماهو جان عشت ع انو اني لصلاح
ابن عمي وشاب حلو وانيق وشاريني ويحبني ولحد هاللحظة صلاح يحبني بس بسبب عشگ ناصر
وبالتالي ناصر وووين ؟
بس لا يمطرة لاتغرج نظرات ياسر او سلامه واهتمامه
شنو الجنيتيه من حب 8 سنوات باعني بلحظات وانجرح كلبي
صيري قوية ولا يمهج لا ياسر ولا غيره واليريدج يصارحج ويدگ باب اهلج
(وبالفعل هيج اتخذت هالشي ع نفسي)
علاء بدا يسلم عليه ومرات يحب يشاقه بس كلش خجوووول بشكل مو طبيعي وعنده صديقه اسمه حسين من ناصريه يعيش بالأقسام واحد جريء ودائما مايعدل بنفسه ويرتب وصديقه حسن يشبه وكلش مسوين ارواحهم تؤام وهاي زينب كاتله روحهه ع حسن
وتحجيلي عن حبها لحسن
وعلاء يضحك عليهه شلون تحب حسن وحسن مطنشهه او يشفق ع حالهه ويجاملهه
ــ@@@
حسين ينشر منشورات حب وغزل واحنه كلنه نعلق ع منشوراته
اشو هذا بلش يراسلني خاص
اني بيه طبع مااعرف افشل واحد بقيت بحيرة هسه هذا شسويله شكوله بقيت ارد عليه بحذر
وگام كل يوم يراسل كل يوم يراسل
ومرات اشعار
ومر يوم واسبوع واسبوعين وحسين مراسلته الي كلها حب
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
