( قصة مطرة)
مطرة ، ناصر خالاتي يكولن من يا فگر يتزوجج لو عنده جان سواله بيتين لنسوانه بدله ما بكوخ واحد غرفة ابطن غرفه
جان اشتره غرف نوم لنسوانه بيهن خير هو زواجه الثاني جاب غرفة ب200 لحنان وماوصله حته تجهيز مليون
وضحك عليج بسالفة سلفة مية مليون ولج يادولة ماهي تنطي مية مليون
لان هنه كاللي مصدكه ياخذج وحجيتلهن مخططاتك انك تستلم سلفه وتبني 3 بيوت النه
ناصر احس كلامهن صدك .. منين تجيب وترضي اهلي فعلا مسستحيل ابوي يقبل
شنو الي يخليه يقبل
راح يكول نسوان اثنين وكومة زعاطيط ووضعه تعبان وانطي بنتي ماراح يقبل وانت بس عشمتني بهالوعود اللي مو عارفين تصير لو لا
ناصر .. ولج مطرة مع الأسسف هزج كلامهن الله لايوفقهن وحسبي الله ونعم الوكيل هنه عايشات بداخلي مثلا حتئ يحكمن عليه
صح اخذت حنان بوضع تعبان بس انا هسه جاي اسعئ واسعئ
والسلفه هاي خاص بالشرطة مااعتقد وئام ورحاب بالمركز ويعرفن اخبار الشرطة والحكومة
ومنو مامرت بظروف حنان حتئ هسه كلش حسسني هنه وحدتهن ملكة عايشه بجال زوجهه وبس حنان متبهذله عندي
بس العتب ع عقلج اللي صدگهن ، هذا حبج الي من اول حديث اجيتي متغير 180 درجة
الله يفرفح گلوبهن مثل مافرفحن گلبي وانا صايم
ناصر .. واذا هجي انا سمعتي سودة ومصخمة ليش حبيتيني لو بس رايدة عذابي لو عايفتني ع قبل اشرفلي اتمناج وماصاحتلي شوفي مطرة اي تفكير تفكرينه ضدي اكتلج واكتل روحي !
انت حبي وقراري واخذج غصبن عاليرضئ والمايرضئ
ناصر .. انتي غبية لان نجحن من باگن اللسانج بأعترافج الهن وشوفي شضاماتلج وحاولن محاولة بائسة يخربنه وفعلا جابت نتيجة 100% نجاح وهذا الدليل متغيرة عليه ومصدگة كلامهن
ولج مطرة حرام عليج تكولين اصدك منو
مو حجيتلج كلشي هجي وزني يصير بوزنهن
اليوم ع ذمتجن شربت جكارة وانا صايم
ناصر .. مطرة لازم اخابرج حتئ لو ترحين حمام تواليت لازم اخابرج اوكي
ناصر ..
اريد ابجيك ما دام الدمع بالعين
واذا ناوي الرحيل ادفني بأحزاني
مو اول شخص تجرح گلب مجروح
صدگني الزمان بكبره لاواني
وابد مادنگت راسي البشر محتاج
بس أحتاجك أنت وليك وداني
أجمل شي عرفته من الأزغـر لليوم
صراحة گـلبي دوم بطرف اللساني
نسيت انا الحياة انا بظلمة الايام
الى ان نور حبك جـدد انساني
تخيل لو بشر ميت ويصحئ بروح
تخيل انـت السـبب والجـاني
تصدك انا ميت بس حييت عليك
مـو اكبر حــرام عليك تنساني
لأن انت بقرارك تحكم عالروح
لو ميت واعـيش بموت دفـاني
ـ------
قريت رسائل ناصر وكلش متت وي كل حرف اقراه احس كلبي يتكطع لان فعلا حبيته وهو اعرف يحبني بس الخوف من المجهول هو اللي خلاني مترددة
كمت جاوبته
مطرة.. ناصر أحبك والله أحبك رسائلك واشعارك دمرتني وتعبتني فوك قهري اعذرني لمن اخاف تره علاقتنا مو شي هين وتتقبله الناس ارتباطنه صعب صعب
أنت تقرأ
مطّرة
Ficción Generalمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
