( قصة مطرة )
مطرة
گعدت الصبح بدلت ورحت للمدرسة وانا متخذة قرار اترك وادرس تمريض ورحت اودع صديقاتي واكلم مديرتي واخذ وثيقتي وبلش بأجراءات نقل اوراقي للتمريض
وصلت للدوام وخبرت البنات وودعتهن وكتلهن بس هااليوم وياجن
وكعدت وياهن بالساحه وهنه ضربن الدرس مدخلن وبقينا بس شبعنا بجي وبهاللحضات والدنيا غيمت ومطرت
مطرة .. بنااااات بنااات
المجموعه كلها . هااا ولج شبيج غيرتي رأيج
مطرة .. لا بس الجو عبالك بفلم عربي اذا صار موقف حزين ترعد وتمطر
المجموعه . لا ياطايحة الحظ ع هالدگه هههه
ولاتبطلين سوالفج مره كبرتي ووراح تصيرين ممرضه لا طابت المرضى ع ايدج
مطرة . طبعا يروحي . ولجن شلون بيه فدوة داومن وياي تمريض مااكدر افارگچن
اشجان .. ولج مطورة والله بچـيتيني شيصبرني ع افراكج وسوالفج الحلوة
غدير .. اي والله مطرة انتي ضحكة الصف وونسته ورغم هالسنة كلمن بصف بس بالساحه نشوفج وعبالك سوه
مطرة . بنات تره كوه لازمة روحي واحاول ماابجي
والله راح اداوم هناك بمركز المحافظة جسد بلا روح وابد مااكدر ع افراگچن بس شسوي هي هاي الحياة ولازم كلمن تشوف مستقبلهه
وخلصنه ذاك اليوم ساعه نضحك ساعه نتذكر ساعه نبجي الى ان انتهئ الدوام
وباوستهن وودعتهن واتمنيت ماقررت هالقرار المشؤوم
ــ* **ــ
قاسم جابلي تأييد من مدير مدرسته
واني ورقية اتفقنه وبعد وحدة هم نعرفها ويانه بالحي هم تركت مدرستها وطلعت ويانه تمريض صرنا تلاثة
نطلع كراج من للبيت للكراج مسافة ربع ساعه
وانا كلش خايفه وخجوله والخوف ماخذني مثل البايكتلهه بوگه
خاف واحد من اخوالي لو عمامي يشوفني ويخرب عليه كلشي ومناك نطلع كية
وداومت وشفت معهد التمريض يخبل المعهد مرتب وحدائق ودورين يختلف عن المدرسة وهوسته
شي حلو ومرتب والدراسة سهله وسلسه وماكو خوف ورعب
يعاملونه اجمل معامله
بس اني منطويه ع نفسي وضايجة ع صديقاتي ومااختلطت وحسيت غير عالم الاشوفه بنات مايعه وملابسهن تخبل عكسي تماما صدريه وقميص
وقررت اجيب جبه وفستان مثلهن واحله شي يقبلون نلبس تنورة وبدي لوقميص
ومشت الايام وبديت شوي شوي اختلط واتعرفت ع بنات
وارتاحيت للمُدرسات والاساتذة وللدراسه حته الانكليزي الصعب عدهم سسسهل
وامتحنت واخذت 76 بالأنكليزي اتفاجئت وفرحت
وصار الشرح ع الجثه شلون نطبق نظري بغير صف واني خايفه شلون اذا تجي مثلا حاله شلون ننقلهه من سديه لسدية
وكلبي يدك الف دگه بس لا اخربط بالشرح وخايفه خاف بعدين مااصير ممرضه ماهرة
أنت تقرأ
مطّرة
Ficción Generalمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
