بيت جبار/
رحمة /لازالت أعيش بهجر وزاد الهجر اكثر من وفاة زهرة
وجبار هو والماكو سوة
وبس يتخطب ووحدة من اخوات زهرة كلشش مسيطرة عليه بلسانهه واعمالهه الشيطانيه ومرضت جبار اكثر مما جان مسحور
وانا تعبت انهار بشكل من اشوفه فدنوب لا يجي لبيتي لا ياكل بي ولا يسألني شلونج ما لونج
سويت عملية لعيوني ولا دره عني ابد
وتعبت كلشش وحلفت يمين اذا حصل مراه وتزوج الا اشيل عنه ابد
انقل للولايه لان بعد مااتحمل اعيش جزء ثاني من حياته هو وزهرة الله يرحمه
واصير هم تعالي مرتي حامل اخذيهه للطبيب
وصرت أيتام زهرة بركبتي
ولازم المراه الجديدة هم احمل مسؤوليتها
شنو الحصلته حتئ انعم الله ماكووو
وما اكول غير حسبي الله ونعم الوكيل بالدمر حياتي ،
ـــــــــــ@@@
صلاح / لازال حب مطرة مزروع بگلبي رغم مر 8 سنوات ع زواجي وصار عندي ثلاث بنات
بس ماارتاحيت بحياتي
ولا حسيت بالسعادة
ولا لگيت اي صفه او اي شي من مطرة بزوجتي
رغم احبها واحترمها بس شسوي لگلبي
وابقئ حــــزين للممات ع الغالية الما جمعني بيها النصيب ،،
ـــــــــــــ@@@
ناصر / شيب راسي والعمر راح يوصل الخمسين
وعشگ مطرة مايطلع من راسي
ولا احس بالنظر الأ من اشوفهه
ولا أحس بطعم الحياة ولا ينشرحلي صدر الا بسماع اسمها
او أسمع صوتها وعمت عيني عليها لأن ادري بيها ماعدها حظ ولا ارتاحت بحياتهه
ولا انسعدت بنصيبها وطاحت بقسمة ابد ما تناسبهه
بس آااخ يالقدر الما جمعني بيها وجمعها بشخص ماعرف قيمتها
مطرة وال فراس شنووو
مطرة الوردة السهرت عليها الليالي وتعبت عليها
بأنتظار وتالي غيري يجي يقطفها
ويشم عطرها ،،، آاااااااه يالقهر
عـمـت عيـن العيون الفـاركـة ملگاك
وعمت عين الهوه الماأشمه بأنفاسك
يالكـلك جـنـت تعنيلي هـــاي الناس
وانـه الجنت كلـي اعنيك كـل ناسك
أأأأخخخخ يمطرة تعبني حبج
شلون اضيعج من ايدي شلووون
اعتب ع روحي لو عليج لو عالقدر
كرهت الدنيا وكلشي اظلم صار بعيوني اخلاف عيونج وصوتج
كمت اشرد فقط لعالمج للحاسبة واقرأ برسائلنه واسمع تسجيلات اتصالاتنه
واشوف صورج بس هالعالم ارتاح بي وساعه اضحك ع عركاتنه وساعه ابجي ع رسائل حبنا
اتمنالج السعادة يابعد روحي يالمطر
ـــــــ@@@
مهرة / قبل سنة هيج ورا وفاة ابني نموري بأشهر اتمرض خالد طلعن غدد برگــبته وراح حلل
وطلعن غدد خبيثة
وهنا جانت انتكاستي اكبر دخلت بعولمة حزن كلبي بعد جرح اخضر ع ابني وروحي صايرة اترابه
ليش ياربي لا اعتراض ع امرك وحكمك جنت اتأمل تتغير حياتنه جنت اتأمل واحلم يصير عندي ولد
وزرقتني بي وايه من الجمال وتالي كتبتله عمر قصير
وصوبت كلبي بفراگــــه
وضل بس عمود بيتي خالد وهسه اتمرض بهالمرض المكروه دخيلك ياربي بعد ما بيه حيل
وحسسبي الله ونعم الوكيل بأهله وبفلاح
هاي كثرت الأعمال الشيطانية لو تموت
لو تسبب الامراض المكروه
وهاي صار شكد سووه اشكال فلاح الله لا يوفقك لا دنيا ولا أخرة
وبالتالي العشيرة والحوزات ومساعدات المؤوسـسات
جمعوا 10 ملايين وباعوا سيارة اخوه رحمن وسفروا لمصر
وسوله عملية والحمدلله تمت بنجاح
وبلش ياخذ علاج مثل الجرع ومرت اشهر وخالد اتحسنت حالته
وتركت التدخين ،،
أنت تقرأ
مطّرة
Ficción Generalمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
