بارت 34 (قصة مطرة )
ناصر ،، القرار بيدج ترئ ؟
هسه صرت اني اسربت ؟
مطرة / ناصر والله انت فلا ناوي تلم شملنه هذا الشي حاسة اني بي بس اجذب ع روحي
ناصر // لاتحلفين يمعودة اليمين موزين يگولن لاتحلف صدگ ولاجذب
يله هدري روحج وخلي السربوت وسربته فدوة انعالج
مطرة // اي صار شهرين اتوسل روح لسيد وبس توعدني
ناصر // اكلج متكليلي السيد شيسوي شيحل من مشكلتنه مشكلتي ماعندي فلوس قابل ينطيني فلوس !
الله اليعلم شيصير لان كلشي بعلم الغيب
الله كريم تنحل ان شاءلله
مطرة // شبعت من گد ماتكول الله كريم والله كريم وبس كلام
كافي ضياع أرجوووك انت ضيعتني واني ضيعت نفسي بأيدي وراك تعبت وگـلبي يوجعني من كل الي امر بي واگـول شني التالي لعذابي وقصتي وياك
ناصر // انا ضيعتج ،، ؟؟
مطرة // هذا اثبات انك تريد اطير هالخطبة وتخليني عالشحن من حلو وجديد للموت ورا سرابك
اي انت ضيعتني جا منو ؟ مو انت بحياتي وعفت كلشي لأجلك مو جاي ارفض كل خطبة لان نتظرتك والا هسه عايشه حياتي وابني بطولي كل هالتضحية والأنتظار وتكلي جا اني ضيعتج جا منو
ناصر // هااا .. اليضيعج شخص ينتقم منج ؟
مطرة // اني احجي واقع حال مااتهمتك ولا جبت حجي من يمي ؟ ناصر تعبت لازم تتقبل عتبي وهضمتي
ناصر // عادي اهم شي لاتضوجين وهجي كل عتبج
ـ@@@
ناصر // ههه خابرتني رحاب راح تجيج عود تقنعج تكلج ارفضي الخطبة وتره ناصر يريدج
مطرة // واذا علساس رحاب قنعتني شلون اواجهه اهلي وامي اكييد راح تشك بيه تكلي رحاب شكالتلج واجيت رافضه رفض تام راح تكول اكيد رحاب دازهه ناصر تعرفك علاقتك قوية بيها
ويجوز امي تحلفني وساعتهه تخليني كدام الامر الواقع
ناصر // ولج اريد ابعد الشبه عن تواصلنه احاول اثبت لرحاب اني رايدج وانتي ماتدرين وهي التكدر تخليج ترفضين هالخطبة ؟
مطرة // هذا هو بس مستحيل ابين لاهلي الخربطة مني هسه باجر المشية
ناصر // مطرة خلي نكون واقعين ونحجي بجد
اذا تفلشت هالخطبة وتقدمتلج وصار اكو رفض عندج استعداد تواجهين الرفض ؟
لأن مواجهتج هيهة الدور الأساسي بأتمام الخطبة
لأن مرتكزة ع قناعتج
واذا ماتكدرين تواجهين وهذا كلام حنان طبعا ،،
كالت مطرة مستحيل تواجه !
وحجت عن نفسها من خطبتها تكول ماحاجيه ولا رافعه صوتي بوجه امي ومن خطبتني كتلهه بصوت عالي اي اريده
اذا ماتگدرين تواجهي الأحسن الج لاتضيعين هالفرصه هاي خاف ماتتعوض
مطرة // يعني صار 8 سنوات دگ ولطم وبجي وتمسك وحب
واني شخصيتي ضعيفة واخاف من خيالي وجازفت شكد علمود حبك وضحيت
وهسه تحجي وكأنما ماتعرفني
.بس ع كلمة كالتهه حنان كمشت بيها والله بالعافيه هيج حظها عندك
أكطع الكلام ناصر فعلا استفزيتني الف مرة كتلك اواجهه وسبق وواجهة برفضي لصلاح
جنت اكول بس انت التعرفني وتفهمني بدون مااحجي بس طلعت متوهمه ؟
بس گلي وراك روحه لسيد
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
