بارت 51 ( قصة مـطـرة )
مطرة / الكل اتجمع وصار الغروب واذن الأذن
وجابو انمار
دخل محمد شايله وروحه مفرفحة ع ابن اخته
احنه النسوان نص بالحوش ونص بالبراني من كالو جابوا
طلعنه كلحنه
محمد من حلات روحه مايعرف وين يگعد ويگابل اخته وشلون يسلمه لمهرة
راد يدخل غرفة امي بس بيها سكينة بت سجئ انفاس وخفت عليها وهم لاتنسحگ
لزمته وكتله حمودي هنا سكينة تعال لغرفتي
اخذته ودخلت ومهرة ويانه والعالم كله ملتمه
كعدنه ثلاثتنه تكابلو محمد ومهرة وانا وياهم
والنسوان البقية كلها وكفه فوك من روسنة
واحنه صياح ولطم
اااااااخ يهاللحضات واحنه نشوف انمار تكول ملاك ونايم بحضن محمد وبقئ من حضنه لحضن مهرة
واني اتوسل اريد احضنه ممخليني محمد
گمت بس ابوس براسه وبجفوف اديه
عمت عيني عليك خاله انمار تمنيت الأحنه بي حلــم
نصحئ منه ،،، تقريبا نص ساعة وكالو جيبوا
دخلوا علينه خالي حمدان شيخنا
وابوي
كالوا ناخذه نغسله ونرجعه جذبوا علينه
بس ابوي بلحضتهه كال الليل طويل ليش نعذب الطفل لازم مناك ونروح لنجف ندفنه
ماقبل محمد
وابوي ضرب محمد راشدي لان كام يصيح
محمد / حرام عليكم خلوو امه تشبع منه
لاتاخذونه لنجف بيتوا
هادي / ولك ابن الأوادم مخليه المن تخيسونه لصبح بهالحر لازم ندفنه بهالليل هسه ساعه 7
شكو اخليه لصبح
محمد/ بويه فدوووة ارحمو حال مهرة
مهرة / خااااالي فدوة خلو ابني بحضني اريد اشبع منه بس هالليلة وياي اريد اودعه
حمدان / كولي يالله خالي خليج قوية . ان شاالله ارجعه الج
طلعوا ومهرة كعدت كعدة بالحوش تصيح
مطرة / رفعت ايدي وكتله وداعت الله يأنمار وداعت الله يالعزيز
رجعنه .. اجتنه خالتي نجاة مرت ابوي
اخذتني للحمام تغسل غسل مس الميت
ــ@@
قاسم / انا بالدوام وخابروني وكالو أنمار مات غرگـان
ااخ يابويه انعاد عليه يوم علاوي هم بالدوام وخابروني
كعدت الطم ع راسي وابجي شيصبر مهرة فقيرة وضعيفه ومجنونة بأبنهه
كلت لضابط بس ماصدك كال شنو تضحك علينه
قبل فترة هم كلت ابن اختي غرگ
هم صار كلام حاد بينا
اذا ماانطيتوني اجازة هسة اطلع
ادخلوا بعد ضباط وجنود
والله هداه ونزلني
بس للاسف مالحگت ع انمار
وصلت نص الليل ب1
ـ@@@
كلنه اتجمعنه بالبراني نلطم ونسكت وكلساع اشبك مهرة اتمنه اشيل الحزن عنج يبت امي وابوي
يتوأم روحي ماأكدر اشوفج مكسورة ع ابنج
وصل قاسم بليل وخلصنه ذاك الليل لطم
مطرة /
گـلي شعـاجـلك للمــوت
يالــروحك ازغـيـرونــة
بــعــلـمك خــبــــروني
وأجــــــيت مـذهـونـه
وعــلمــك مـايــهــــون
عــاليعـرفـــونــه
لطمت سجئ /
علمك صوّب الدّلال
والمعده نــزل بيـهـا
ودگـي حيل دكي حيل
روحـج حيل وجـعيــها
أنت تقرأ
مطّرة
General Fictionمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
