#مـــطـرة
ومرت الأيام واني ادرس خامس وخالتي رحاب وبت عمي زينة يرحن وياي ويرجعن وياي
..
ودخلنا سنة 2003 واحنه مدرستنا مختلطة
بنات وولد
وصار السقوط واتغيرت الأحوال وقسموا المدارس البنات وحدها والوولد وحدهمايام السقوط بعد معروفه شنو وضعية كل بيت عراقي لاكهرباء ولا حتى ماي بشلاع الگلب تجري الصوندة
ومرت الأيام والوضع بمحافظتنه زين بس دائما نسمع الخطر ابغداد وبالمحافظات القريبة ع عالعاصمة ،
وعمر نزار اخوي صار 3 سنوات وشكله يخبل الوجه ابيض ثلج والعيون خضر
ومرات تحسهن ملونات بحيث اي لون يلبسة يعكس ع عيونه
والشعر ناعم واشگر
بس للأسف مريض ومايعرف شي ولا يتكلموكلش ناعم ونحيل ضعيف وفقرات الظهر مبينات عبالك خرزات مسطرة ونتعجب ع اللين البجسمة
واخذوه امي وابوي اكثر من مره للدكتور وكالهم عنده تلف بالمخ
مأثر عليه ابو صفار ومامتعالج وقبل جنا نعالجه عن ابو الكساح فقطرغم اكو اهمال بمواعييد المراجعه بسبب الماكو
وكلش ضجنا من عرفنا عنده تلف وكال اكو منشطات للدماغ وللذاكرة بس الا ابغدادوشيشة الدوا بعشرة ابوقتها العشرة تهد الحيل وبغداد بعيدة والوضع كلش خطر
بقينا ناخذ قطرات للتقويه لنزار . وهو مو مثل اي طفل ما يبجي ورا امي من تطلع
مايعرف الشرقي من الغربي وبس منسدح لو يزحف ومن يكعد ينطبگ ع وجهه ومنظره هذا ولّد القهر والحسرة بگلوبنه
ومن حضن لحضن عدنه
وابوي كلش متعلق بي وفوك هالضيم نجاة كلش تغار من حب ابوي لنزار وجريئه بكلامهاودائما تكوله شو انت تحب نزار ومحمد وضحئ اكثر
من جهالي وابوي يبقى يردهه بالغلط والأهانه ويدعي عليها بالموت
واكثر من مرة تنتهي بكتله يكتله واحنه حواجيز بينهم ونحاول نسكتهه خايفين وهي ولا چنها .وهكذا مرت الحياة بمرارة العوز والشرچ والمشاكل التصنعهه نجاة
وامي فقيرة ابد لا تحجي ولاتكول وكل طبه لسوك امي تفصل قماش سوه لضحئ ولمنئ وتخيطلهن سوه
نجاة بساعتهه تشكر لكن لو مر وقت مايبين بعينها ابد
وربوا جهال نجاة بحضن امي ابد ماتفرق بينهم
وبينا
واذا تمرض طفل تجي نجاة تركض من غرفتهه لأمي وتبقه مساهره الليل عليهمومن جان بالگماط امي اتمتنهم واداريهم لان نجاة مو ذيج المعرفه بسوالف الطفل ومتنه امي اشطر بهسوالف
..
ومرت الايام واجت العطله ونجحت لسادس ابتدائي
وبين فترة وفترة ناصر ينطيني رسالة لحنان وصايرة بينهم مرسول الحباكو دكان بي حجي جبير يصير جيران ال ناصر
ودوم يشتري صابون لو دهن وجبة لو تنك فارغ
هههه واني دوم ابيع هيج شغلات مصرف الي
أنت تقرأ
مطّرة
Fiksi Umumمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...