( قصة مـطــرة )
مطـــرة / اخواتي وأحبتي وكل من قرأت قصتي
ومـن لـــم تقرأها
أرجـو قرائــة اخر ما اتكلم بـه وأحكموا وشاركوني في مشكلتي ،،
ــــ@@@@ـــ
مطرة / ميثم انا قررت ابني محل عدكم هنا بمكان الحديقة تعبت محلي باقي عد اهلي ومسدود ومحد تنتبه من تبيع ع خالاتي ونسوان اخوالي ونص الشغلات مايسجلنهه الدين
اريده هنا گـدام عيني ..
وافتحه لشارع وبلكي احصل زبائن غرب بلكي اصير ابيع حاضر ليش بس كرايبي ودين وشلعان گلب
ميثم / اي ما بيها شي بس انتي تدرين ماعدي شي منين تبنين
مطرة / راح اخذ لو اسواري الذهب لو الحجل وابيعه وانزل مواد بنيان
وهو ميحتاج مجرد ركنين حايط وعگادة سگف
بس انا الأريدة رضاتكم يعني بمكان الحديقة
ملاحظه الحديقه مجرد مكان باقي اترابه مو كاشي ضمن الحوش وبي شجرة رمان كلش منتهيه عودة وحدة من انفخها اطير
وهالمكان بس لازم الزبل ابيتهم لعدم الأهتمام
بس جبير ياخذ 5 شيلمانات حديد ردونها بالمستقبل براني والبراني ياخذوها غرفة لعمتي هذا كلامهم الأسمعه لكن مجرد امنيات لأن ماعدهم ميسون شي
ميثم / لا بالله خوش راي وامشي بزودج
مطرة / خاف عمتي ماتقبل احنه نطرح الموضوع عليها وانا اذا شفتها ما قابله ابد ماابني
ميثم / لا تهتمين امي ماتكول
مطرة / بس ميثم فدوووة طلبتك اريد مساندتك وياي ادري انت ماعدك وتساعدنيا ماديا
لكن اريد وگفتك
هو اذا كلشي جاهز عدنا نحتاج عمال
يوم للبنيان الحايط ويوم للعكادة
ومرة لباخ
والصبغ بكيفك تريد انت تصبغه لو اشوف منو الننخاهه
ميثم / الصبغ عليه لاتهتمين . وشلون مااساندج
مطرة / اي خاف باجر واتعاجزت ادري انت ماعدك خلك
مااريد اضل محتارة كدام اهلي ويكولون جا كون زوجج ماساندج المن بنيتي
ميثم / سسبحان الله دوم ماخذيني عني نظرة اهلج اني ماافيد
مطرة / لا بالعكس محد حاجي بس،اكول اذا ما ساندتني
ميثم / لا وياج لاتهتمين
ــ@@@
نزلنه وفهمنا عمتي وكتلهه عمه اهم شي رضاتج ابد مااخطي خطوة وانتي ما هاويه كالت لا هذا هوو الله ايوفقج هالحجي كدام ميثم
طبعا طبع عمتي خانسه وابد ماتحجي وبذات ماتعارض شي تشوف محمد موافق عليه تسوي روحهه ماعدهه شي
ــ@@@
مطرة / ميثم اكو قطعة يم بيت عمي مشاري تخبببل مساحتهه 250
وموقعهه ركن تفتح ع شارعين
ويريدها راعيها ب8 ملايين
وفكرت ابني المحل واسحب سلفة عليه من الدولة
ونشتري القطعه ونبني بيها بيت زغير وبسيط ونصير نأجره لو ب150 احنه مستفادين شتكوول
ميثم /خووش راي
مطرة / بس ميثم امشي عليك الحسين هالسالفة ابد مااريدهه تطلع
ميثم /لا ابد شالقصه والله ماتطلع
أنت تقرأ
مطّرة
Fiction généraleمطّـرة ،، ،فتاة تقع في عشق الشخص الغلط والغير مناسب وستدفع ثمن ذلك الحب والعشق الذي سيستمر 8 سنوات واكثر ثمناً غاليً ، وسيخلق لها الكثير من المشاكل والأمراض والاعداء وبسبب ذلك الحب سينتقم منها الكثير عن طريق الأعمال الشيطانية التي ستوقف قسمتها لسن...
