The delicate man that capCURED my heart

49 : BURNT

KREIA'S POV

The next day, gaya nga nang napag-usapan ay pumunta kami ni Qwyn sa studio nila Jah sa ShowBT. We just arrived and I already parked my car on their parking lot.

“Nagpapapasok ba sila ng bisita?” tanong ko kay Qwyn na abala sa cellphone niya.

“Oo, palagi akong nakatambay rito noon—”

“Hah! I got you!” I said and laughed at her face when her eyes got bigger. Namali ata siya ng sagot, kanina pa kasi siya rason nang rason para hindi makasama. Ngayon ay wala na siyang mararason dahil pwede naman palang bumisita. Mabuti na lang at naunahan ko siya sa pagtanong.

We bought some coffee from the nearest cafe for the boys and for the staffs. Nakakahiya naman kasing bumisita kapag walang dala.

“Good morning ma'am Qwyn, tagal mong hindi nakabisita ah?” bati ni manong guard kay Qwyn nang papasok na kami sa building. Qwyn then laughed awkwardly and hand a coffee for the guard.

“Good morning, manong! Busy sa school eh” sabat naman ni Qwyn at agad na pumasok sa loob.

“Good morning, ma’am” bati ulit ng guard nang makita ako. Nginitian ko lang siya at sumunod na agad kay Qwyn.

“Hoy babaknita! Anong matagal ka ng hindi nakabisita rito? Nag-away ba kayo ni Josh? Kaya ba rason ka nang rason para hindi sumama?” pagdadaldal ko pa habang hinahabol siya.

“Shut up, Krei”

Dumiretso kami sa third floor ng building dahil naroon daw ang studio nila. Hindi naman masyadong matao dahil halatang bagong-bago lang ang kompanya. Siguro a year pa lang sila or what. Nakasunod sa amin ang driver nilang si kuya Yuri raw sabi ni Qwyn. Bitbit ang apat na box ng coffee. Bukod sa hawak niya ay may kanya-kanya rin kaming hawak ni Qwyn.

“Ate Rose! Hello po” pagkukuha ni Qwyn sa atensyon ng isang staff ata na nakaantabay sa labas ng studio.

“Uy, hello!” kumaway ito sa amin saka lumapit. “Sakto yung dating niyo, last elimination today. Malalaman na mamaya ang mga matitira sa boys”

“Ah, ate. Si Kreia nga po pala, Kreia si ate Rose” nagkamayan kami ni ate Rose at nagkangitian pa. Binigyan ko rin siya agad ng kape.

Kinakabahan ako, malalaman na pala mamaya kung sino ang matitira sakanila. Hindi naman ako kasali pero kabang-kaba ako habang nakasilip kami ni Qwyn sa training nila. Kahit siya ay mukhang kabado rin para kay Josh.

We were just standing outside while peeking through a glass door. There were six boys inside that are being interrogated by the founder, manger and the CEO. It’s obvious that the founder, manager, CEO, and along with the girl beside them are koreans. Siguro ang babaeng kasama nila ay ang trainor nila.

The boys were asked to perform their final performance together. Nang humarap sila sa amin ay doon ko lang nakita ang mga mukha nila.

“Hoy, si Pau!” muntik na akong mapasigaw nang makita kong kasama si Paulo roon.

“Yung nasa pinakadulo, si Dwight tapos sunod si Paulo, Stell, Josh, Ken, saka Justin” isa-isa niyang tinuro ang boys.

“Diba nag elimination din kahapon?” tanong ko.

“Oo. Baka minamadali na ng management yung pagpili, matagal-tagal na rin kasi silang nag t-training”

Qwyn told me that Paulo and Josh was the longest trainee of them all. Sumunod si Stell na mukhang friendly at very outgoing. Si Justin ay last year pumasok rito kasabay si Dwight. Tapos si Ken na mismong hand-picked ni Josh ay ngayong year lang nakapasok.