بقلمي / ضوء القمر 💫
أرددُ لا بأس وكل البأس في قلبي.
جان يسوق السياره بسرعه جنونيه و هو معصب و متوجهه ل بيت خطيبته الي دتخونه بده يدور ع المسدس مالته بصندوق السياره الأمامي و هو ما مركز على الطريق فجائه طلعت كدامه تريله بس قبل ما ينتبه الها و يتفاداها انصدمت السيارتين ببعض بقوه
بعد مرور اكثر من 10 ساعات داخل أرقى و احسن المستشفيات طلع الدكتور من غرفه العمليات و علامات التعب و الاحباط واضحه على وجهه ركض حسام باتجاهه بسرعه وخوف
حسام : بشر دكتور ايهم شلونه
الدكتور : احنا سوينا كل الي نكدر عليه و الحمدلله كدرنا ننقذه بس...
حسام بخوف : بس شنو
الدكتور : للأسف الاستاذ ايهم تعرض ل ضربه قويه ب ظهره ادت ل تكسر ب الفقرات من ما راح يسببله شلل
حسام بصدمه : شنووو
الدكتور : بس ممكن اذا استمر على العلاج الي راح اكتبه اله و بعد مده 6 أشهر ممكن نسويله عمليه و يرجع يمشي
حسام بارتياح : الحمدلله
الدكتور : و اكو شي ثاني
حسام بقلق : خير دكتور
الدكتور : بسبب الحادث و تحطم الزجاج الأمامي للسياره طفر على وجهه و تسبب بجروح و أيضا بتضرر العيون لذالك راح يفقد البصر
حسام : وشنو الحل
الدكتور : للأسف ماكو حل العيون مكان حساس جدا و اي ضرر بسيط يسبب العمى بس اكو حل واحد احتمال 20% ينجح
حسام : شنو هو
الدكتور : عمليه ب ألمانيا اكو دكتور معروف تخصصه جراحه عيون راح اتواصل وياه و ادزله الفحوصات و يشوف شنو الي ممكن ينجح يرجعله بصره
حسام : تمام
راح الدكتور و ضل حسام واكفه ب صدمه ميعرف شنو يسوي او شنو راح يكول ل ايهم من يكعد اكيد راح يتخيل بس يعرف بالي صار اله دعا حسام ان الموضوع يعدي على خير
بعد يومين واخيرا صحى ايهم و جان لسه تعبان دخلوا حسام و الدكتور يمه اول ما حس بوجودهم
ايهم : ليش مطفين الاضويه هيج
بلع حسام ريكه و هو يباوع للدكتور بتوتر
حسام : الاضويه مشتغله ايهم
ايهم بقلق : لعد ليش مدا اشوف شي
حسام بتوتر : لان الحادث جان قوي و...
ايهم بنفاذ صبر : احجي عاد حسااام
حسام : فقدت البصر و انشليت مؤقتا
من قوه الصدمه ما كدر ايهم ينطق بحرف رد فعله خوف الدكتور و حسام بس ما جانوا يعرفون ان هذا هدوء ما قبل العاصفه بعد دقايق من استيعاب ايهم للكلام دخل بحاله عصبيه هستيريه و اضطر الدكتور ينطيه مهدئ حتى يهدئ و ينام طلعوا حسام و الدكتور من الغرفه
الدكتور : لازم تخلي يضبط اعصابه هاي العصبيه خطر عليه
حسام : يعني واحد فقد بصره و انشل شتريده يسوي غير هيج
الدكتور : اني دا احجي ل مصلحته بالدرجه الأولى و كتلك اكو امل يرجع مثل الاول بس محتاج شويه صبر
حسام بتنهيده : تمام دكتور ان شاء الله
الدكتور : عن اذنك
