بقلمي / ضوء القمر 💫
"كان مظهرها لطيف جدًا،
لا يوحي بأي عواصف تُقام في داخلها."
زمرد: بابا...
قبل ما تكمل كلامها صرتخت بيها سميه
سميه : كم مره كتلج لا تكول بابا
زمرد : لعد شكول غير هو ابويه
خالد و هو يضرب الميز: بس وانتي شتريدين
زمرد بانكسار : محتاجه فلوس
طلع خالد فلوس من محفظته و نطاهن الها اخذتهن و كامت مختنكه بسبب تعامل مره ابوها وياها و بسبب سكوت ابوها عن كل هذا راحت ل غرفتها و بدت تبجي على حظها و تتمنى لو ماتت ويا امها كان احسن فجاءه اندفع الباب و فاتت سميه جرت زمرد من شعرها
زمرد بألم : اااه شعري
سميه : كم مره كتلج لا تكولين ل خالد بابا كم مره نبهت انتي بنت الخدامه امج جانت وحده ك.... و منعرف أصلها من فصلها
زمرد بدموع : لتحجين على امي
سميه : وحمه الحمتج و خلصتني منج
دفعت سميه زمرد حيل وكعتها بالكاع و طلعت بينما زمرد ضلت تبجي و تندب حظها
نرجع للمستشفى 😳
جانت حاله ايهم العصبيه مو مستقره ابد و كل ما يصحى من المهدئ يضل يصرخ و يكسر إلى أن حسام كدر يقنعه ان اذا سيطر على اعصابه راح يتحسن بالتدريج و فعلا اقتنع ايهم بهل شي بعد شهر طلع ايهم من المستشفى و رجع للقصر و اول شخص زاره جان خالد الحسيني شريكه
خالد : اول ما عرفت بالخبر حيل زعلت و حاولت ازورك بس جانوا مانعين الزيارات
حسام : شكرا لتعبك
خالد : لا تعب ولا ابد بس شلون بالنسبه للشغل مو معقوله راح نوقفه و اكو صفقات مهمه محتاجه توقيعك
ايهم : حسام موجود و يحل محلي
خالد بانزعاج : حسام
ايهم : يي نسيت ان هو اله نصيب بالشركه
خالد : لا ابد بالعكس يالله اني اترخص
طلع خالد و هو منزعج لان يعرف صرامه حسام و ما راح يخليه يسوي الي يريده اما حسام ف باوع ل ايهم
حسام : ما اعرف ليش دخلته شريك ويانا ما ارتاحله
ايهم : انجبرت لان بذاك الوقت جان وضع الشركه بالنازل و بعدها حاولت افض الشراكه وياه بس رفض
حسام و هو يكوم و يشيل سترته : يالله اني لازم اروح اضبط كم شغله بخصوص الشركه و الصفقات
ايهم : تمام
راح حسام للشركه يضبط الوضع باعتباره المدير حاليا اما ايهم ف صعد ل غرفته ب مساعده الخدم حتى ينام و هو يحس بعجز و كاره نفسه
اما ب بيت زمرد
رجع خالد و جان ضايج و متعصب بسبب قرار ايهم كعد ب الصاله و جتي سميه يمه
سميه : شبيك
خالد : هذا ايهم راح يخبلني
سميه : ليش
خالد : بكلشي و حشر حسام و بوجود حسام الصفقات الي أريدها ما راح أتم
سميه : اخذ مكانه
خالد ب استغراب : شلون
سميه : زوجه بنتك
خالد : قصدج نور
سميه : اسم الله ليش تخبلت انطي بنتي ل واحد أعمى و مشلول قصدي زمرد
خالد : و شراح استفاد
سميه : راح تستفاد انك تصير حماه و تكدر تخلي زمرد تخليه يوقع على كل الصفقات الي تريدها ساعتها حسام ميكدر يحجي
خالد باعجاب : خرب بعرضج على هل تفكير زين وين زمرد
سميه : بالكليه
خالد : من تجي دزيها الي
