بقلمي / ضوء القمر 💫
- أراكِ طفلة .. و كل النساء نساءَ
ايهم : لا و حاول تسوي الي كتلي عليه بسرعه حتى اخلص
حسام بضحكه : اوك اوك تمام
ايهم : يالله سلام اريد انام
حسام : تمام تصبح على خير
ايهم : وانته من اهله
سد حسام الخط و نام و هو يفكر ب منظر ازل انقهر عليها حيل غفى حسام و هو يتذكر منظرها كعد الصبح على صوت الباب يندك كام لبس تشيرت و طلع فتح الباب جانت ام حسين و وياها ازل
ام حسين : صباح الخير استاذ حسام
حسام : هلا خاله صباح النور
ام حسين : اني ادري بيك مشغول بس تعرف ازل بنت اختي سادس و عدها الرياضيات صعب و تريد تلزم مدرس و كلت انته أقرب و نثق بيك اكثر يعني اذا ادرسها
حسام : ادللي خاله
ام حسين : خوش هاي ازل يمك و إني هسه اسوي ريوك و ادزه بيد حسوني
حسام : ان شاء الله
راحت ام حسين و ازل دخلت للبيت وكفت يم الباب سد حسام الباب و باوع على ازل
حسام : خبل موو اني اعلمج فوتي جوه لما اغسل و اجي
فاتت ازل و هي خايفه من حسام كعدت تنتظره وره ربع ساعه اجه كعد قريب منها و اخذ الكتاب يقرأ المسائل و المعادلات حتى يشرح الها ضلت ازل تباوع على البيت وره شويه بده حسام يشرح ل ازل و ينطيها معادلات تحلها و هو يشتغل على الابتوب ضلت ازل تحاول تحل المعادله بس ما عرفت
ازل : ممكن تشرحلي هاي المعادله مره ثانيه
حسام : صار كم مره شرحتها الج اكو دماغ هنا لو كيلو طماطه
ازل : مو صعبه
حسام : اخر مره
رجع حسام شرح الها المعادله و كمل شغله بينما ازل هم فشلت ان تحل المعادله بدون مقدمات بدت تبجي انصدم حسام من تصرفها
حسام : شبيج
ازل ب بجي طفولي : متنحل صعبه
ما كدر حسام يلزم نفسه و بده يضحك بقوه على تصرفها بينما ازل صفنت على شكله و هو يضحك بعد شويه كدر حسام يضبظ نفسه اخذ المعادله و حلها كدامها
حسام : شفتي شلون سهله
هزت ازل راسها و هي تمسح دموعها مثل الأطفال ابتسم حسام على منظرها
حسام : كومي غسلي و تعالي الحمام هناك
ازل : اوك
راحت ازل و رجع حسام يشتغل فجاءه انتفض على صوت ازل و هي تصرخ بخوف كام بسرعه للحمام فتح الباب و شاف ازل ب الزاويه تبجي
حسام بخوف : شبيج
ازل ب هستيريا : صرصور صرصور عااااا
ضل حسام صافن يستوعب الي ديصير هل بنيه راح تجلطه قتل الصرصور و أخذها من الحمام و هيه لسه تبجي و ترجف
حسام : شبيج هو صرصور ماكو داعي لكل هذا
ازل بتعب : عندي فوبيا من الحشرات
حسام : تمام ارتاحي هسه
