بقلمي / ضوء القمر 💫
من انسئل عن عشرتك
بلة شسولف عنها ؟
خليتني بموقف صعب
مثل اليدافع عن شخص
ويگله اطلع منها .
ركض حسام شالها جانت حيل خفيفه نزل حسام بسرعه خلالها بسيارته و طلع على أقرب مستشفى و ايهم لحكه جان بارد حيل ولا كان زوجته دتموت وصلوا للمستشفى و الدكاتره اول ما شافوا حاله زمرد اخذوها لغرفه العمليات لان حالتها جانت حيل خطره وكفت حسام كدام غرفه العمليات بخوف و قلق اجه ايهم وراه بكل برود
ايهم : ها ماتت
التاف حسام ب بطئ و صدمه من تغير ايهم يحسه صار شيطان هجم عليه ضربه بقوه
حسام بصراخ و غضب : لك انته شنو فهمني شيطان شلون تسوي هيج بالبنبه شنو ذنبها ولك تدري جم مره خلصتك من مصيبه طول عمري جنت اشوفك مؤذي و جنت اكول هذا طبع بس ما توقعت اذيتك للناس توصل لهل مرحله خالد جانت محضرلك كومه مصايب و زمرد خلصتك منهن تحملتك و انته بوضع مستحيل وحده تتحملك بيه و هذا جزاءها
دفع حسام ايهم بقوه
حسام : روح منا قبل ما ارتكب بيك جريمه
جان ايهم مصدوم و اخيرا صحه ضميره النايم بس بعد شنو بعد ما دمر زمرد و خسرها كعد ايهم شويه بعيد عن غرفه العمليات و بده يتذكر كل مواقفها وياه و شلون جان تعامله سيء وياها بس رغم هذا ولا مره تركته بده الندم و تأنيب الضمير يجلدن روحه مثل ما جان يجلدها ب حزامه بعد مرور اكثر من 6 ساعات طلعوا الدكاتره من الغرفه راح حسام بسرعه عليهم و ايهم تقرب حتى يسمع
حسام : ها دكتور بشر
الدكتور : للأسف الحاله حرجه جدا و ما كدرنا نعالج غير جزء بسيط من الأضرار بسبب ضعف جسمها
حسام : يعني هسه هيه شلونها
الدكتور : اجذب اذا اكولك زينه عدها كسر قوي ب ايدها اليمين من الكتف و العكس و كسر بالحوض و تمزقات بجدار الرحم هاي غير الحروق و الجروح الي من الدرجه الثانيه
انصدم حسام و ايهم الي ما جان متصور ان كل هذا بيها
حسام بحزن : و هسه
الدكتور : هسه احنا عالجنا ايدها اليمين و الحروق و الجروح و حاولنا نعالج الرحم و كسر الحوض بس الموضوع صعب لذالك اكتفينا بإيقاف النزيف و راح ننتظر إلى أن تتحسن حالتها شويه و تسترجع صحتها حتى نكدر نعالجها تماما
حسام : شكرا دكتور
راح الدكتور و ايهم صافن معقوله جنونه وصل ل هل مرحله معقوله سوه بيها كل هذا وليش لا هو جان فعلا متوحش وياها مرت ساعتين و طلعوا زمرد من غرفه العمليات جانت عباره عن مومياء بسبب المضادات الي ماليه جسمها انصدم حسام من منظرها و باوع ل ايهم بقرف تركه و راح دفع الحساب و حجز جناح خاص لزمرد مر اليوم و ايهم ما نطق حرف بالليل اجه الدكتور فحص زمرد و طلع سأله ايهم
ايهم : شلونها دكتور
الدكتور : ادعي بس ان تصحى حتى نكدر نعالج الرحم و الحوض والا راح نضطر نستاصله
