بقلمي / ضوء القمر 💫
لا الْيأسَ ثَوبي ولا الاحزان تَكسِرني
جُرْحَي عَنِيدٌ بلَسعِ النَّار يَلْتَئِمُ
حسام : يعني اني محامي دولي مشهور اكعد على صوت ابو الغاز
غزل بضحكه : والله الي يريد العسل يتحمل كرص النحل
حسام : متحمل و ساكت
راح حضنها و باسها و ضل حاضنها و هي تحضر الريوك التافت غزل على حسام
غزل : شنو ما عندك دوام اليوم
حسام : عندي بس مالي واهس اروح
غزل : حبيبي ميصير تعوف شغلك
حسام : يعني هسه قابل الشغل راح يطير
غزل : لعد قابل اني الي راح اطير
سكت حسام بحزن و هو يباوع ل عيونها الي يخاف يخسرهن بس حاول يغير الجو
حسام : اذا تسبحيني اروح
غزل : طفل انته
حسام : يي طفل
قبل ما ترد غزل عليه شالها و راح باتجاه الحمام تحت ضحكاتها و صرخاتها
غزل : ههههههه حسااااام الاكل راح يحترك
حسام : عادي
فز حسام من ذكرياته على صوت الباب مسح دموعه بسرعه و راح فتح الباب جانت جارته ام حسين
ام حسين : شلونك يمه حسام
حسام : هلا خاله الحمدلله انتي شلونج
ام حسين : برحمه الكريم
حسام : دومج
ام حسين : شفت سيارتك و كلت احجي وياك بشغله
حسام : كولي خاله
ام حسين : احنا ان شاء الله باجر الفجر نطلع للنجف نزور قبر غزل و قبور أهلنا تحب تجي ويانا لو تروح وحدك
حسام : تمام وياكم
ام حسين : ان شاء الله يمه لعد ارتاح و إني ادزلك عشه
حسام : متقصرين
راح ام حسين و دخل حسام للبيت مره ثانيه راح للغرفه تمدد على السرير
رجع حسام من الشغل تعبان كعد على السرير جتي غزل كعدت بحضنه
غزل : تعبان يروحي
حسام : من اشوفج يروح التعب
غزل : عندي مفاجاءه الك
حسام : شنو هي
كامت غزل من حضن حسام و طلعت صندوق صغير نطته ل حسام ابتسم حسام و فتح الصندوق بس تغيرت ملامحه اول ما شافه
حسام : شنو هذا
غزل ب ابتسامه : راح تصير بابا حسام
حسام بعصبيه : غزل تخبلتي شلون هيج انتي مو دتاخذين حبوب مانع الحمل شلون هيج
غزل : تركتهم من الشهر الفات
كامت وكفت كدامه و لزمت ايده
غزل : حسام اني بشر مو حجر و اتمنى يجيني طفل يصيحلي ماما معقوله ما تتمنى نخلف
حسام : غزل انتي مريضه قلب و الدكتور حذر من اي ضغط و الحمل يعني ضغط
غزل : مو الدكتور الي يحدد عمري حسام يجوز رب العالمين كاتبلي اشوف احفادي ليش هيج انته يائس
حسام : مو يائس غزل مو يائس بس ما اريد اخسرج
غزل : ما راح تخسرني يروحي حتى إذا متت روحي راح تبقى وياك
حسام و هو يسد حلكها ب ايده : اسم الله عليج
