بقلمي / ضوء القمر 💫
"كانت طباعُها مرحة جدًا لدرجة أنها تُفتِّشُ عن أقلِّ سبب في الحياةِ لكي تجدَ ما يظهر ضحكتها دائمًا."
حسام : جنتي تحجين ويا واحد
زمرد بدموع : والله العظيم لا جنت احجي ويا ابن صديقتي هاك فوني فتشه اذا متصدك
حسام : خلص مصدكج اهدي ترا ايهم فقد الثقه بالكل لانه بسبب الخيانه صار هذا وضعه
زمرد : شلون
حسام : ايهم جان يحب وحده جانت متعلق بيها حيل بس هي جانت مغروره حيل و منفتحه و هل شي جان يضايق ايهم خصوصا ان من يطلع وياها و تتعرض للمعاكسات كدامه تفرح بيوم قرر يراقبها و عرف انها تخونه و بالطريق حتى يروح الها سوى الحادث الي وصله ل هل مرحله لذالك اني ما الومه
زمرد : بس مو كل البنات مثل بعض
حسام : صحيح بس حاولي تعذريه
زمرد : عاذرته
حسام : يالله اني لازم اروح
زمرد : الله وياك
راح حسام و بعد يومين بلغ ايهم بموعد السفر اتصل ايهم بالخدم و طلب يرجعون للشغل و فعلا بنفس اليوم رجعوا للشغل بيوم سفر ايهم اتصل برئيس الحرس طلبه
رئيس الحرس : أمرني سيدي
ايهم : ممنوع اي احد يدخل او يخرج من القصر لأي سبب منا لما ارجع مفهوم
رئيس الحرس : حاضر سيدي
ايهم : روح
راح رئيس الحرس بينما ايهم نادى على ناريمان الي جته بسرعه
ايهم : سمعيني زين عينج متنزل ع زمرد كل حركه و كل نفس عندي علم بيه مفهوم
ناريمان : مفهوم
ايهم : روحي صيحيها
ناريمان : حاضر
فعلا راحت ناريمان صاحت زمرد الي جانت بغرفتها لان ايهم ميحب وجودها يمه نزلت زمرد بخوف
زمرد : طلبتني
ايهم : انطيني فونج
زمرد : حاضر
نطت زمرد فونها ل ايهم بعد ما لغت القفل أخذه خلاه بجيبه
ايهم : راح اسافر و ما اعرف شكد أطول ممنوع تطلعين من البيت و ممنوع احد يجي عليج مفهوم
زمرد : هذا سجن
ايهم : انتي اختاريتي
زمرد : حرام عليك اني ما اذيتك ب شي ليش هيج تسوي وياي
ايهم : انتي شي ملكي و إني الي الحق اسوي الي أريده بيج و هسه بدون حجي زايد روحي حضري الجنطه مالتي
صعدت زمرد جانت حيل مختنكه اول ما دخلت للغرفه بدت تبجي بقهر ليش هيج حظها زفت دائما ليش كل الناس ضدها جان هذا السؤال يدور بعقلها بدت تحضر جنطه ايهم و كلشي يحتاجه بسفره و بعد يومين سافروا ايهم و حسام و بقت زمرد محبوسه بقصر الوحش
(ملاحظه/ ايهم من البدايه يكره زمرد بس جان مجبور يتعامل وياها بسبب وضعه)
اما ازل ف جانت مقهوره حيل من حسام و خصوصا انه ما اجى اعتذر و صالحها بالعكس طنشها بس هي عاذرته مو ذنبه ان هي حبت اهتمامه بيها و خوفه عليها بس بنفس الوقت هي تحتاجه بدت ازل تدخل بحالات إغماء متكرره و تنزل من خشمها و حلكها هواي و تتعرض ل نوبات ألم قوي بالرأس بس جانت تسكت لأنها متحب تشغل بال احد بيها
