بقلمي / ضوء القمر 💫
"عيناه لم تكذب، هو لم يحبني يومًا وتلك اللمعة كانت انعكاس عيناي"
فعلا ثاني يوم اجى صاحب الميتم و تم بيع الميتم ل ايهم الي قرر ان يسوي تصليحات بالميت و هم يحاول يتقرب من الأطفال و من زمرد راح الميتم و طمن المديره ان الميتم راح يبقى راح الحديقه و شاف زمرد تعلم الأطفال تقرب وكف وراها
وحده من الأطفال : سمرد علميني ايسم ( زمرد علميني ارسم)
زمرد بضحكه : اوك راح اعلمج
ايهم بابتسامه : ممكن اني هم اتعلم
التاغ زمرد بسرعه شافت ايهم سحبت نفس تهدء نفسها و تجاهلت وجوده راح ايهم كعد كدامها بين الأطفال و ضل يباوع عليها اول مره يركز بجمالها اول مره يشوفها هلكد حلوه توترت زمرد من نظراته الها
زمرد : ممكن تبطل تباوعلي
ايهم : احاول
رجعت زمرد تحجي ويا الأطفال و تعلمهم القرانيه و الكتابه باوعت زمرد على ساعتها
زمرد : يالله لازم اروح
صرخ الأطفال بصوت واحد : لااااااا
زمرد بضحكه : لازم ترتاحون و إني باجر اجي من الصبح
ودعت زمرد الأطفال و توجهت للباب لحكها ايهم
ايهم : زمرد زمرد انتظري
سحبها من ايدها حتى توكف
ايهم : زمرد اسمعيني اخر مره و وعد ما راح تشوفين وجهي مره ثانيه
زمرد لنفاذ صبر : تفضل
ايهم بندم حقيقي : زمرد اعرف اني اذيتج حيل واعرف مو ممكن تسامحيني بسهوله بس انطيني فرصه أصلح اي شي زمرد صدكيني ندمان و ندمان اكثر لان خسرت وحده مثلج
زمرد : كملت
باوع ايهم الها ب استغراب نزلت دموع زمرد
زمرد بخنكه : انته تعرف اني شنو جنت اعيش تعرف من اباوع ل روحي بالمريه تلعب نفسي بسبب الضرب الهمجي الي لسه اثره بجسمي تعرف ان اني لحد الان اخذ ادويه مهدئه حتى انسى الي سويته بيه تعرف ان اني خسرت رحمي بسببك انحرمت من كلمه ماما بسببك
انصدم ايهم من كلامها و ما عرف شيكول
زمرد : ايهم اذا تريدني اسامحك فعلا انطيني سبب واحد واضح للي سويته بيه
سكت ايهم و نزل راسه هو فعلا ما عنده سبب لكل الي سواه بيها
زمرد : اختفى من حياتي ايهم يمكن بيوم من الايام انسى و اسامحك
تركته زمرد و راحت بينما ايهم ضل واكف شويه بعدها رجع للبيت طلب من الخدم يجهزون جنطه سفر راح للمكتب لم كل الأوراق المهم و اتصل ب حسام
ايهم : حسام اني راح أسافر ل كندا و انته دير الشركه هنا
حسام : ايهم شبيك شنو سفر شنو شبيك
ايهم : زمرد تريديني ابتعد و إني دا انفذ طلبها سلام
سد الخط قبل ما يسمع كلام حسام اخذ جنطته و توجه ل مطار بغداد اخذ اول طياره ل كندا و قرر يستقر هناك
